ഡിസംബര്‍ 21 മുതല്‍ 30 വരെ നടക്കുന്ന കമ്പനി സെക്രട്ടറി (സി.എസ്) പരീക്ഷയ്ക്കായി രാജ്യത്തുടനീളം 45 പരീക്ഷാ കേന്ദ്രങ്ങള്‍ കൂടി ഇന്‍സ്റ്റിറ്റ്യൂട്ട് ഓഫ് കമ്പനി സെക്രട്ടറി ഓഫ് ഇന്ത്യ (ഐ.സി.എസ്.ഐ) അനുവദിച്ചു. 

നിലവില്‍ 172 പരീക്ഷ കേന്ദ്രങ്ങളാണ് തീരുമാനിച്ചിരുന്നത്. എന്നാല്‍ കൊവിഡ് പ്രോട്ടോകോള്‍ പ്രകാരം സാമൂഹിക അകലം പാലിച്ച് ഇരിപ്പിടങ്ങള്‍ ഒരുക്കുന്നതിനു വേണ്ടിയാണ് കൂടുതല്‍ പരീക്ഷ കേന്ദ്രങ്ങള്‍ അനുവദിച്ചത്. 

45 പുതിയ കേന്ദ്രങ്ങളില്‍ 19 കേന്ദ്രങ്ങള്‍ പ്രധാന നഗരങ്ങളിലും ബാക്കി 26 കേന്ദ്രങ്ങള്‍ ഭുവനേശ്വര്‍, കൊല്‍ക്കത്ത, ഹൈദരാബാദ്, ബംഗളൂരു, ചെന്നൈ, നവി മുംബൈ, താനെ, മുംബൈ തുടങ്ങിയ നഗരങ്ങളിലുമാണ്. 

പരീക്ഷാ കേന്ദ്രങ്ങള്‍ മാറ്റുന്നതിനുള്ള സൗകര്യവും ഇന്‍സ്റ്റിറ്റ്യൂട്ട് നല്‍കും. 

പരീക്ഷ എഴുതുന്ന വിദ്യാര്‍ഥികള്‍ക്ക് ഈ മാസം 26 മുതല്‍ ഒക്ടോബര്‍ ഒന്‍പതു വരെ ശരശെ.ലറൗ എന്ന വെബ്‌സൈറ്റ് വഴി കേന്ദ്രങ്ങള്‍ മാറ്റാം.