പെരുമ്പാവൂര്‍: പ്രളയബാധിതരെ സഹായിക്കുന്നതിലേക്കായി മുഖ്യമന്ത്രിയുടെ ദുരിതാശ്വാസ നിധിയിലേക്കുള്ള ഫണ്ട് ശേഖരണാര്‍ത്ഥം പ്രൈവറ്റ് ബസ് ഓപ്പറേറ്റേഴ്‌സ് സംഘടനയുടെ നേതൃത്വത്തില്‍ കേരളം ഒട്ടാകെയുള്ള ബസുകളുടെ ഒരു ദിവസത്തെ വരുമാനം നല്‍കുന്നതിന്റെ ഭാഗമായി പെരുമ്പാവൂര്‍ മേഖലയിലെ ബസുകളുടെ ഓട്ടം എല്‍ദോസ് കുന്നപ്പിള്ളി എം.എല്‍.എ ഉദ്ഘാടനം ചെയ്തു.
സംഘടനയുടെ പെരുമ്പാവൂര്‍ യൂണിറ്റ് പ്രസിഡന്റ് ജിജി തോമസ് അധ്യക്ഷത വഹിച്ചു. ചടങ്ങില്‍ സെക്രട്ടറി കെ.സി. രാമചന്ദ്രന്‍, സംഘടന പ്രതിനിധികളായ ഉണ്ണി കുമാരന്‍, കെ.പി. ബേബി, എല്‍.ജെ. വര്‍ഗീസ്, കെ.എസ്. രൂപേഷ്, സജീവ് കുമാര്‍, എല്‍ദോസ് എന്നിവര്‍ പ്രസംഗിച്ചു.