കോഴിക്കോട്: സംസ്ഥാന പൊലിസ് മേധാവി നിയമനവുമായി ബന്ധപ്പെട്ട് സുപ്രിംകോടതി വിധിയേക്കാള്‍ സംഘ്പരിവാര അജന്‍ഡ നടപ്പാക്കാനാണ് പിണറായി വിജയന്റെ താല്‍പ്പര്യമെന്ന് എസ്.ഡി.പി.ഐ. രാജ്യത്ത് നീതിയുക്തമായ ഭരണസംവിധാനം നടപ്പാവുന്നുവെന്ന് ഉറപ്പുവരുത്തേണ്ട ബാധ്യത സുപ്രിംകോടതിക്കുണ്ട്. അതിന്റെ അടിസ്ഥാനത്തിലാണ് പൊലിസ് മേധാവി നിയമനത്തില്‍ സുപ്രിംകോടതി ഇടപെട്ടത്. പിണറായി വിജയന്‍ ആര്‍.എസ.്എസിന്റെ പിണിയാളായി, മുഖ്യമന്ത്രി പദവിക്ക് നിരക്കാത്ത വിധം ഉപജാപ ഉപദേശക വൃന്ദത്തിന്റെ ഒത്താശയോടെ പരമോന്നത കോടതിയെ വെല്ലുവിളിക്കുകയാണ് ചെയ്യുന്നത്. ഇത് ജനാധിപത്യ അരാജകത്വമാണെന്നും എസ്.ഡി.പി.ഐ ആരോപിച്ചു.
വാര്‍ത്താസമ്മേളനത്തില്‍ സംസ്ഥാന ജനറല്‍ സെക്രട്ടറി എം.കെ മനോജ്കുമാര്‍, പി.അബ്ദുല്‍ ഹമീദ്, എന്‍ .കെ സുഹറാബി,  കെ. ലസിത പങ്കെടുത്തു.