കോഴിക്കോട്: വടകര തോടന്നൂരില്‍ ബിരുദ വിദ്യാര്‍ഥിനിയെ ആത്മഹത്യ ചെയ്ത നിലയില്‍ കണ്ടെത്തി. ചെമ്മരത്തൂര്‍ എം.എച്ച്.ഇ.എസ് കോളജിലെ രണ്ടാം വര്‍ഷ മൈക്രോബയോളജി വിദ്യാര്‍ഥിനി അസ്‌നാസ് ആണ് ആത്മഹത്യ ചെയ്തത്.

റാഗിങിനെ തുടര്‍ന്നാണ് ആത്മഹത്യയെന്ന് ബന്ധുക്കള്‍ പരാതിപ്പെട്ടു. കഴിഞ്ഞ ദിവസം കോളജില്‍ മുതിര്‍ന്ന വിദ്യാര്‍ഥികളുമായി റാഗിങ്ങിനെ ചൊല്ലി പ്രശ്‌നമുണ്ടായിരുന്നു. മുതിര്‍ന്ന വിദ്യാര്‍ഥികള്‍ അസ്‌നാസിനെ അപമാനിക്കാന്‍ ശ്രമിച്ചതായി സഹപാഠികള്‍ ബന്ധുക്കളോട് പറഞ്ഞു. സംഭവത്തെക്കുറിച്ച് വടകര പൊലീസ് അന്വേഷണം തുടങ്ങി.