കോട്ടയം: ജില്ലയിലെ പ്രളയബാധിതപ്രദേശങ്ങളിലെ മൃഗസംരക്ഷണ മേഖലയിലുണ്ടായിട്ടുളള നാശനഷ്ടം വിലയിരുത്തുന്നതിന് ക്യാമ്പുകള്‍ ആരംഭിച്ചു. എല്ലാ പഞ്ചായത്തുകളിലും വാര്‍ഡ് അടിസ്ഥാനത്തില്‍ കര്‍ഷകര്‍ക്കുണ്ടായ നഷ്ടം തിട്ടപ്പെടുത്തുന്നതിനുളള ക്യാമ്പില്‍ വളര്‍ത്തു മൃഗങ്ങള്‍, പക്ഷികള്‍, വൈക്കോല്‍, കാലിത്തീറ്റ, തൊഴുത്ത് എന്നിവ നഷ്ടപ്പെട്ട കര്‍ഷകര്‍ പങ്കെടുത്ത് വിവരം നല്‍കണം. മൃഗസംരക്ഷണ വകുപ്പിന്റെ നേതൃത്വത്തില്‍ ക്ഷീര വികസന വകുപ്പ് മില്‍മ, ക്ഷീരസംഘം പ്രതിനിധികള്‍, പഞ്ചായത്തംഗങ്ങള്‍ എന്നിവര്‍ പങ്കെടുക്കുന്ന ക്യാമ്പ് അഞ്ച് ദിവസം കൊണ്ട് ജില്ലയില്‍ പൂര്‍ത്തിയാകും.