ന്യൂഡല്‍ഹി: ബംഗാളില്‍ ബി.ജെ.പി നേട്ടമുണ്ടാക്കും എന്ന വിവാദ പരാമര്‍ശത്തിന് സി.പി.എം പോളിറ്റ് ബ്യുറോ അംഗം പ്രകാശ് കാരാട്ടിനോട് പാര്‍ട്ടി വിശദീകരണം തേടി. മലയാളത്തിലെ ഒരു സ്വകാര്യ വാര്‍ത്താ ചാനലിന് നല്‍കിയ അഭിമുഖത്തിലാണ് കാരാട്ട് വിവാദ പരാമര്‍ശം നടത്തിയത്. അമിത് ഷാ പറയുന്നത് പോലെ 23 സീറ്റൊന്നും നേടില്ലെങ്കിലും ബി.ജെ.പി ഇത്തവണ കൂടുതല്‍ സീറ്റ് നേടാന്‍ സാധ്യതയുണ്ട് എന്നായിരുന്നു കാരാട്ടിന്റെ പരാമര്‍ശം. ഇതിനെതിരേ കടുത്ത അതൃപ്തിയും പ്രതിഷേധവും നേതാക്കള്‍ ജനറല്‍ സെക്രട്ടറി സീതാറാം യെച്ചൂരിയെ അറിയിച്ചിരുന്നു. ഇതേ തുടര്‍ന്നാണ് കാരാട്ടില്‍ നിന്ന് വിശദീകരണം തേടിയത്. കാരാട്ട് വിശദീകരണം നല്‍കിയതായി പശ്ചിമ ബംഗാള്‍ സംസ്ഥാന സെക്രട്ടറി സൂര്‍ജയകാന്ത പറഞ്ഞു.