പയ്യോളി: കാലിക്കറ്റ് യൂനിവേഴ്‌സിറ്റി യൂനിയന്‍ തെരഞ്ഞെടുപ്പില്‍ കൊയിലാണ്ടി മണ്ഡലത്തില്‍ എം.എസ്.എഫിന് ഉജ്ജ്വല വിജയം. മൂടാടി മലബാര്‍ കോളജില്‍ 15ല്‍ 15 ഉം എം.എസ്.എഫ് മുന്നണി നേടി. ചേലിയ ഇലാഹിയ കോളജില്‍ തനിച്ച് മത്സരിച്ച എം.എസ്.എഫ് 16 ല്‍ 13ഉം നേടി ഭരണം നിലനിര്‍ത്തി. എസ്.എഫ്.ഐയുടെ കുത്തകയെന്ന് അവകാശപ്പെടുന്ന ബാഫഖി തങ്ങള്‍ ഗവ. കോളജില്‍ എം.എസ്.എഫ് മത്സരിച്ച സീറ്റുകളില്‍ വന്‍ മുന്നേറ്റമാണു നടത്തിയത്.
കൊയിലാണ്ടി മുസ്‌ലിം ലീഗ് ഓഫിസില്‍ എം.എസ്.എഫ് സാരഥികള്‍ക്ക് സ്വീകരണം നല്‍കി. മണ്ഡലം മുസ്‌ലിം ലീഗ് പ്രസിഡന്റ് ഹുസ്സയിന്‍ ബാഫഖി തങ്ങള്‍ ഹാരാര്‍പ്പണം നടത്തി. എസ്.എം ഷഹല്‍ അധ്യക്ഷനായി. ജില്ലാ മുസ്‌ലിം ലീഗ് വൈസ് പ്രസിഡന്റ് വി.പി ഇബ്രാഹിം കുട്ടി, അലി കൊയിലാണ്ടി, ഒ.കെ ഫൈസല്‍, ടി.സി നിസാര്‍, കെ.എം നജീബ്, എന്‍.പി മുഹമ്മദ് ഹാജി, ആസിഫ് കലാം, കെ.കെ റിയാസ്, പി.കെ മുഹമ്മദലി, ഹസനുല്‍ ബന്ന, ഹാദിഖ് ജസാര്‍, ടി.കെ മുസവ്വിര്‍, പി.ആര്‍ മുര്‍ഷീദ്, ഒ.കെ ഫാസില്‍ സംസാരിച്ചു. കൊയിലാണ്ടി ടൗണില്‍ ആഹ്ലാദ പ്രകടനവും നടത്തി.