തൃശൂര്‍: എസ്എസ്എല്‍സി പരീക്ഷയില്‍ ജില്ലയില്‍ 97.24 ശതമാനം വിജയം.പരീക്ഷയെഴുതിയ 38134 വിദ്യാര്‍ഥികളില്‍ 37,082 പേര്‍ വിജയിച്ചത്.  
ജില്ലയിലെ 106 സ്‌കൂളുകള്‍ നൂറു ശതമാനം വിജയം നേടി.  1,713 വിദ്യാര്‍ഥികള്‍ എല്ലാ വിഷയത്തിലും എ പ്ലസ് നേടി. ഇതില്‍ 1157 പേര്‍ ആണ്‍കുട്ടികളാണ്. 556 പെണ്‍കുട്ടികളാണ് എല്ലാ വിഷയങ്ങളിലും എപ്ലസ് നേടിയത്.
ഏയ്ഡഡ് മേഖലയില്‍ 1,182 പേരും അണ്‍എയ്ഡഡ് മേഖലയില്‍ 366 പേരും എല്ലാ വിഷയത്തിലും എ പ്ലസ് ജേതാക്കളായി. തൃശൂര്‍ വിദ്യാഭ്യാസ ജില്ലയില്‍ 615 പേര്‍ക്കും ഇരിങ്ങാലക്കുടയില്‍ 597 പേര്‍ക്കും ചാവക്കാട് 501 പേര്‍ക്കുമാണ് എല്ലാ വിഷയത്തിലും എ പ്ലസ്.
നൂറു ശതമാനം വിജയം നേടിയ സ്‌കൂളുകളില്‍ ഗംഭീര വിജയം നേടിയത് സ്‌കൂള്‍ ഇരിങ്ങാലക്കുട വിദ്യാഭ്യാസ ജില്ലയിലെ കുറ്റിക്കാട്ട് സെന്റ് സെബാസ്റ്റ്യന്‍സ് സ്‌കൂളാണ്. 379 പേരാണ് ഇവിടെ വിജയിച്ചത്. തൊട്ടുപിറകില്‍ 345 പേരെ വിജയിപ്പിച്ച തൃശൂര്‍ ഹോളി ഫാമിലി സ്‌കൂളും 323 പേരെ വിജയിപ്പിച്ച സേക്രഡ് ഹാര്‍ട്ട് ചാലക്കുടിയുമുണ്ട്. ഒമ്പതു വിദ്യാര്‍ഥികളെ പരീക്ഷിക്കിരുത്തി ഒമ്പതു പേരേയും വിജയികളാക്കിയ അയ്യന്തോള്‍ ഗവണ്‍മെന്റ് സ്‌കൂളാണ് എറ്റവും കുറവുപേരെ പരീക്ഷയ്ക്കിരുത്തി നൂറു ശതമാനം നേടിയ സ്‌കൂള്‍.
നൂറു ശതമാനം വിജയം നേടിയ 106 സ്‌കൂളുകളില്‍ 27 സ്‌കൂളുകള്‍ സര്‍ക്കാര്‍ സ്‌കൂളുകളാണ്. നൂറു ശതമാനം വിജയം നേടിയ എയ്ഡഡ് സ്‌കൂളുകള്‍- 50. അണ്‍ എയ്ഡഡ് സ്‌കൂളുകള്‍ 29. അണ്‍എയ്ഡഡ് മേഖലയില്‍ പരീക്ഷയെഴുതിയ 3,258 വിദ്യാര്‍ഥികളില്‍ പത്തു പേര്‍ പത്ത് പേര്‍ പരാജയം രുചിച്ചു. സര്‍ക്കാര്‍ സ്‌കൂളുകളില്‍ പരീക്ഷയെഴുതിയ 8,854 വിദ്യാര്‍ഥികളില്‍ 463 പേര്‍ പരാജയപ്പെട്ടു.
എയ്ഡഡ് മേഖലയില്‍ 26,022 പേരില്‍ 579 പേരാണു തോറ്റത്. വിജയശതമാനത്തില്‍ ജില്ല നാലാം സ്ഥാനത്താണ് ജില്ല. കൊടുങ്ങല്ലൂരിലെ 13 സ്‌കൂളുകളില്‍ പരീക്ഷ എഴുതിയ 2799 വിദ്യാര്‍ത്ഥികളില്‍ 2744 വിദ്യാര്‍ത്ഥികള്‍ വിജയം വരിച്ചു. പ്രാഥമിക കണക്കുകള്‍ പ്രകാരം  98 ശതമാനമാണ് വിജയം.
എടവിലങ്ങ് ഗവ.ഹയര്‍ സെക്കന്‍ഡറി സ്‌കൂള്‍, ശാന്തിപുരം മുഹമ്മദ് അബ്ദുറഹിമാന്‍ മെമ്മോറിയല്‍ വൊക്കേഷണല്‍ ഹയര്‍ സെക്കന്‍ഡറി സ്‌കൂള്‍, ഒ.എല്‍.എഫ് ഗേള്‍സ് ഹൈസ്‌കൂള്‍, വെമ്പല്ലൂര്‍ എം.ഇ.എസ് ഹയര്‍ സെക്കന്‍ഡറി സ്‌കൂള്‍ എന്നിവയാണ് നൂറ് മേനി കൊയ്തവ. അഴീക്കോട് സീതീ സാഹിബില്‍ പത്ത് പേര്‍ക്ക് മുഴുവന്‍ എ പ്ലസ് നേടാനായി 98 ശതമാനമാണ് ഇവിടെ വിജയം.