കാഠ്മണ്ഡു: ഇന്ത്യന്‍ അതിര്‍ത്തിയില്‍ പെട്ട ലിപുലേഖ്, ലിംപിയാധുര, കാലാപാനി എന്നീ പ്രദേശങ്ങളില്‍ സെന്‍സസ് നടത്താന്‍ നേപ്പാള്‍ നീക്കം. ഈ പ്രദേശങ്ങളെ സ്വന്തമെന്ന് അവകാശപ്പെട്ടു നേപ്പാള്‍ ഭൂപടം പരിഷ്‌കരിച്ചതിനു പിന്നാലെയാണിത്. എന്നാല്‍ നേപ്പാളിന്റെ നീക്കത്തെ എതിര്‍ത്ത് ഈ പ്രദേശങ്ങളിലെ ജനങ്ങള്‍ രംഗത്തുവന്നിട്ടുണ്ട്.
നേപ്പാള്‍ സംഘത്തെ ഇന്ത്യന്‍ പ്രദേശത്തു പ്രവേശിപ്പിക്കാന്‍ അനുവദിക്കില്ലെന്ന് പിത്തോറഗഡ് അധികൃതര്‍ പറഞ്ഞു.മ
10 വര്‍ഷം കൂടുമ്പോഴാണു നേപ്പാളില്‍ സെന്‍സസ് നടക്കുന്നത്. അടുത്ത വര്‍ഷം മേയിലാണ് ഇനി സെന്‍സസ് നടക്കേണ്ടത്. നാഷനല്‍ പ്ലാനിങ് കമ്മിഷന്‍, സെന്‍ട്രല്‍ ബ്യൂറോ ഓഫ് സ്റ്റാറ്റിസ്റ്റിക്‌സ് എന്നിവയാണു രാജ്യവ്യാപകമായി സര്‍വേ സംഘടിപ്പിക്കുന്നത്.
രാജ്യത്ത് കൈയേറ്റം നടത്തി ചൈന അനധികൃത നിര്‍മാണം നടത്തുമ്പോഴാണ് നേപ്പാള്‍ ഇന്ത്യന്‍ പ്രദേശങ്ങളില്‍ സര്‍വേ നടത്തുന്നത്. നേപ്പാളിലെ ഹുംല ജില്ലയിലെ ലപ്ച ബഗര്‍ ഭാഗത്ത് നിയമവിരുദ്ധമായി ഒമ്പത് കെട്ടിടങ്ങളാണ് ചൈന നിര്‍മിച്ചത്.