മനാമ: ബഹ്‌റൈന്‍ കേരളീയ സമാജം നോര്‍ക്ക ഹെല്‍പ്പ് ഡസ്‌ക്കില്‍ വിതരണം ചെയ്യുവാനായി നോര്‍ക്ക തിരിച്ചറിയല്‍ കാര്‍ഡുകള്‍ എത്തി. കണ്‍വീനര്‍ രാജേഷ് ചേരാവള്ളി തിരുവനന്തപുരം നോര്‍ക്ക ഓഫിസില്‍ നിന്നും കൈപ്പറ്റിയ കാര്‍ഡുകള്‍ സമാജം പ്രസിഡന്റ് പി.വി. രാധാകൃഷ്ണ പിള്ളക്ക് കൈമാറി.
ജനറല്‍ സെക്രട്ടറി എം.പി. രഘു, ചാരിറ്റി നോര്‍ക്ക കമ്മിറ്റി ജനറല്‍ കണ്‍വീനര്‍ കെ.ടി. സലിം, എക്‌സിക്യൂട്ടീവ് കമ്മിറ്റി, ചാരിറ്റി നോര്‍ക്ക കമ്മിറ്റി അംഗങ്ങള്‍, മറ്റ് സമാജം അംഗങ്ങള്‍ എന്നിവര്‍ സന്നിഹിതരായിരുന്നു.

നോര്‍ക്ക തിരിച്ചറിയല്‍ കാര്‍ഡിന് അപേക്ഷ നല്‍കിയ ബാച്ച് നമ്പര്‍ 44, 45 അപേക്ഷകര്‍ രസീതിയുമായി വന്ന് കാര്‍ഡ് കൈപ്പറ്റണമെന്നും സമാജം നോര്‍ക്ക ഹെല്‍പ് ഡസ്‌ക്ക് സമയം വൈകീട്ട് 7:30 മുതല്‍ 9 വരെ ആണെന്നും ഭാരവാഹികള്‍ അറിയിച്ചു.