ല@ണ്ടന്‍: അഭ്യൂഹങ്ങള്‍ക്ക് വിരാമമിട്ട് റിയാദ് മെഹ്‌റസ് തന്റെ തീരുമാനം പുറത്ത് വിട്ടു. താന്‍ ഇപ്പോള്‍ ക്ലബ് വിട്ട് പോകാന്‍ തീരുമാനിച്ചിട്ടില്ലെന്ന് അറിയിച്ചതോടെയാണ് അഭ്യൂഹങ്ങള്‍ക്ക് വിരാമമായത്. സിറ്റിയില്‍ ആദ്യ ഇലവനില്‍ പലപ്പോഴും സ്ഥാനം ലഭിക്കാതിരുന്ന മെഹ്‌റസ് ടീം വിടുമെന്ന് റിപ്പോര്‍ട്ടു@ണ്ടായിരുന്നു. എന്നാല്‍, സിറ്റി തുടര്‍ച്ചയായ രണ്ട@ാം സീസണിലും കിരീടം നേടിയതിന് പിന്നാലെയാണ് മെഹ്‌റസ് നയം വ്യക്തമാക്കിയത്.
കഴിഞ്ഞവര്‍ഷമാണ് 60 മില്യണ്‍ പൗ@ണ്ട് കൈമാറ്റത്തുകയ്ക്ക് മെഹ്‌റസ് ലെസ്റ്ററില്‍നിന്ന് സിറ്റിയിലെത്തിയത്. എന്നാല്‍, 14 മത്സരങ്ങളില്‍ മാത്രമാണ് താരത്തെ ആദ്യ ഇലവനില്‍ കളിപ്പിച്ചത്. റഹീം സ്റ്റര്‍ലിങ്ങും ലിറോയ് സാനെയുമായിരുന്നു മിക്ക മത്സരങ്ങളിലും വിങ്ങര്‍മാര്‍. ഇതോടെയാണ് മെഹ്‌റസ് ടീം വിട്ടേക്കുമെന്ന റിപ്പോര്‍ട്ടുകള്‍ ഉയര്‍ന്നുവന്നത്. സിറ്റിയില്‍ താന്‍ സന്തോഷവാനാണെന്ന് അള്‍ജീരിയന്‍ താരമായ മെഹ്‌റസ് പറഞ്ഞു. മറ്റെവിടെയെങ്കിലും പോകാന്‍ താല്‍പര്യമില്ല. എല്ലാ കളികളിലും ഇറങ്ങാന്‍ കഴിയാത്തതില്‍ അസന്തുഷ്ടിയില്ല. അത് കളിയുടെ ഭാഗമാണ്- മെഹ്‌റസ് വ്യക്തമാക്കി.