കല്ലമ്പലം: മണമ്പൂര്‍ തൊട്ടിക്കല്ലിലെ രണ്ടു ക്ഷേത്രങ്ങളില്‍ കവര്‍ച്ച. മുഖചാര്‍ത്തും കാണിക്കവഞ്ചികളും കവര്‍ന്നു. തൊട്ടിക്കല്ലില്‍ ശിവക്ഷേത്രത്തിലും, ആദിയൂര്‍ ശിവക്ഷേത്രത്തിലുമാണ് മോഷണം നടന്നത്. കഴിഞ്ഞ ദിവസം രാത്രിയിലാണ് സംഭവമെന്ന് കരുതുന്നു. ക്ഷേത്ര പൂജകള്‍ക്കായി വന്ന പൂജാരിയാണ് സംഭവം ആദ്യമറിഞ്ഞത്.
തൊട്ടിക്കല്ലില്‍ ശിവക്ഷേത്രത്തിലെ 40000 രൂപ വിലപിടിപ്പുള്ള വെള്ളിയില്‍ തീര്‍ത്ത ശിവന്റെ മുഖചാര്‍ത്തും കാണിക്ക വഞ്ചിയും കവര്‍ന്നു. ആദിയൂര്‍ ക്ഷേത്രത്തില്‍ നിന്ന് നാലു കാണിക്ക വഞ്ചികള്‍ കവര്‍ന്നു. കൂടാതെ കമ്മിറ്റി ഓഫിസിനുള്ളിലുണ്ടായിരുന്ന നാലായിരത്തോളം രൂപ മോഷ്ടിച്ച ശേഷം മുഴുവനും അലങ്കോലമാക്കിയതായി ക്ഷേത്ര ഭാരവാഹികള്‍ അറിയിച്ചു.