തലശേരി: തലശ്ശേരി-മാഹി ബൈപ്പാസ് നഷ്ടപരിഹാര തുക താലൂക്ക് കോണ്‍ഫറന്‍സ് ഹാളില്‍ ഇന്നലെ വിതരണം ചെയ്തു. ആദ്യഘട്ടത്തില്‍ 15 പേര്‍ക്കാണ് തുക വിതരണം ചെയ്തത്. വിതരണോദ്ഘാടനം എ.എന്‍ ഷംസീര്‍ എം.എല്‍.എ നിര്‍വഹിച്ചു. 142 പേര്‍ക്കായി ആകെ 23 കോടി രൂപയാണ് നഷ്ടപരിഹാരമായി നല്‍കേണ്ടത.് ഇതില്‍ 21 കോടി രൂപയും ഇതിനകം തന്നെ കേന്ദ്രമന്ത്രാലയം സംസ്ഥാനത്തിന് കൈമാറിയിട്ടുണ്ട്. 2013ല്‍ യു.പി.എ സര്‍ക്കാര്‍ നടപ്പാക്കിയ പദ്ധതിയാണ് തലശ്ശേരി-മാഹി ബൈപ്പാസ് റോഡ്. ഭൂമി ഏറ്റെടുക്കല്‍ പ്രക്രിയയിലെ അവസാന ഭാഗമായ ന്യൂമാഹി വില്ലേജിലെ ഭൂമി നഷ്ടപ്പെട്ട 15 പേര്‍ക്കാണ് ഇന്നലെ തുക വിതരണം ചെയ്തത്. തലശ്ശേരി താലൂക്ക് കോണ്‍ഫറന്‍സ് ഹാളില്‍ നടന്ന ചടങ്ങില്‍ തഹസില്‍ദാര്‍ ഹരിദാസന്‍ അധ്യക്ഷനായി. സ്‌പെഷല്‍ തഹസില്‍ദാര്‍ കെ.ജി ആന്റണി, കെ. സുധാകരന്‍, കെ.എന്‍ ബാലകൃഷ്ണന്‍ സംസാരിച്ചു.