മുംബൈ: ധാക്കയിലെ ക്രിക്കറ്റ് അക്കാദമി പരിശീലകനായി മുന്‍ ഇന്ത്യന്‍ താരം വസീം ജാഫറിനെ ബംഗ്ലാദേശ് ക്രിക്കറ്റ് ബോര്‍ഡ് (ബി.സി.ബി) നിയമിച്ചു. നിലവില്‍ വിദര്‍ഭക്ക് വേണ്ടി കളിക്കുന്ന വസീം ജാഫര്‍ ഇന്ത്യക്ക് വേണ്ടി 31 ടെസ്റ്റുകളിലും രണ്ട് ഏകദിനത്തിലും പാഡണിഞ്ഞിട്ടുണ്ട്. ധാക്ക പ്രീമിയര്‍ ലീഗില്‍ അഭാനി ലിമിറ്റഡ് ടീമിന് വേണ്ടി കളിക്കുന്ന ജാഫര്‍ ആറ് മാസത്തോളം അക്കാദമിയുടെ പരിശീലകസ്ഥാനം വഹിക്കും.