തിരുവനന്തപുരം: സംസ്ഥാനത്ത് മൂന്നു ബൂത്തുകളില്‍ കൂടി റിപോളിങ് പ്രഖ്യാപിച്ചു. കാസര്‍കോട് ലോക്‌സഭാ മണ്ഡലത്തിലെ തൃക്കരിപ്പൂരിലെ ഒരു ബൂത്തിലും കണ്ണൂര്‍ മണ്ഡലത്തിലെ ധര്‍മ്മടത്തെ രണ്ടു ബൂത്തുകളിലുമാണ് റീപോളിങ്. ഇവിടെ കള്ളവോട്ട് നടന്നുവെന്ന് നേരത്തെ കണ്ടെത്തിയിരുന്നു.

ഇതോടെ, സംസ്ഥാനത്ത് ഏഴു ബൂത്തുകളില്‍ മറ്റന്നാള്‍ റീപോളിങ് നടക്കും.

Read more... ഇന്ന് പരസ്യ പ്രചരണം

കാസര്‍കോട് ലോക്‌സഭാ മണ്ഡലത്തില്‍ പെടുന്ന കല്യാശേരി നിയമസഭാ മണ്ഡലത്തിലെ ബൂത്ത് നമ്പര്‍ 19- പിലാത്തറ, ബൂത്ത് നമ്പര്‍ 69 -പുതിയങ്ങാടി ജുമാഅത്ത് എച്ച്.എസ് നോര്‍ത്ത് ബ്‌ളോക്ക്, ബൂത്ത് നമ്പര്‍ 70- ജുമാഅത്ത് എച്ച്.എസ് സൗത്ത് ബ്‌ളോക്ക് എന്നിവിടങ്ങളിലും കണ്ണൂര്‍ ലോക്‌സഭാ മണ്ഡലത്തിലെ തളിപ്പറമ്പ് ബൂത്ത് നമ്പര്‍ 166 -പാമ്പുരുത്തി മാപ്പിള എ.യു.പി.എസിലുമാണ് നേരത്തെ റീ പോളിങ് പ്രഖ്യാപിച്ചത്.