തൃശൂര്‍: ശക്തന്‍ തമ്പുരാന്‍ മെമ്മോറിയല്‍ കള്‍ച്ചറല്‍ അസോസിയേഷന്റെ ആഭിമുഖ്യത്തില്‍ ഹൈസ്‌കൂള്‍. പ്ലസ്ടു വിദ്യാര്‍ഥികള്‍ക്കായി ഓഗസ്റ്റ് 27ന് 11 മണിക്ക് തൃശൂര്‍ സേക്രട്ട് ഹാര്‍ട്ട് കോണ്‍വെന്റ് ഗേള്‍സ് ഹൈസ്‌കൂളില്‍ ഉപന്യാസ മത്സരം സംഘടിപ്പിക്കുന്നു. ശക്തന്‍ തമ്പുരാന്‍ തൃശൂരിന്റെ രാജശില്‍പി എന്ന വിഷയത്തില്‍ ജൂനിയര്‍ (അഞ്ച് മുതല്‍ ഏഴ് വരെ), സീനിയര്‍ (എട്ട് മുതല്‍ പ്ലസ്ടു വരെ) വിഭാഗങ്ങളിലായാണ് മത്സരം. രണ്ട് മണിക്കൂറാണ് സമയപരിധി. എന്നാല്‍ ഉപന്യാസത്തിന് നിശ്ചിത ദൈര്‍ഘ്യം ഏര്‍പ്പെടുത്തിയിട്ടില്ല.
ഇംഗ്ലിഷിലോ മലയാളത്തിലോ രചന നിര്‍വഹിക്കാം. ജൂനിയര്‍ വിഭാഗത്തിലെ വിജയിക്ക് 3000 ഉം സീനിയര്‍ വിഭാഗത്തില്‍ 5000 ഉം രൂപ സമ്മാനമായി നല്‍കും. പങ്കെടുക്കുന്ന മുഴുവന്‍ വിദ്യാര്‍ഥികള്‍ക്കും സര്‍ട്ടിഫിക്കറ്റുകള്‍ നല്‍കും. കൂടാതെ ഓരോ ക്ലാസും അടിസ്ഥാനമാക്കി മികച്ച രചനകള്‍ക്ക് ഒന്ന്, രണ്ട്, മൂന്ന് പ്രൈസുകളും നല്‍കും.
 മത്സരത്തില്‍ പങ്കെടുക്കുന്നതിന് ഫീസോ മറ്റ് നിബന്ധനകളോ ഇല്ല. താത്പര്യമുള്ള വിദ്യാര്‍ഥികള്‍ രക്ഷിതാക്കളുടെയോ സ്‌കൂള്‍ അധികൃതരുടെയോ അനുമതിയോടെ ഓഗസ്റ്റ് 25നകം താഴെ പറയുന്ന വിലാസത്തില്‍ ബന്ധപ്പെടേണ്ടതും 27ന് രാവിലെ പത്ത് മണിക്ക് മത്സര കേന്ദ്രമായ തൃശൂര്‍ സേക്രട്ട് ഹാര്‍ട്ട് കോണ്‍വെന്റ് ഗേള്‍സ് ഹൈസ്‌കൂളില്‍ എത്തിച്ചേരേണ്ടതുമാണ്. റോളി ബാബു, മാനേജിങ് ട്രസ്റ്റി, എസ് എം സി എ, ഐശ്വര്യ, ശാസ്താ നഗര്‍, പാട്ടുരായാക്കല്‍, തൃശൂര്‍22. ഫോണ്‍: 9746614138. റോളി ബാബു, ചന്ദ്രഹാസന്‍, ഗബ്രിയേല്‍, തോമസ് ആമ്പക്കാടന്‍, ജോമാ എന്നിവര്‍ വാര്‍ത്താ സമ്മേളനത്തില്‍ പങ്കെടുത്തു.