കോഴിക്കോട്: കേരള പ്രീമിയര്‍ ലീഗ് കിരീടം നിലനിര്‍ത്താന്‍ ഗോകുലത്തിനായില്ല. ഇന്നലെ നടന്ന ഫൈനലില്‍ ഗോകുലത്തെ തോല്‍പ്പിച്ച് ഇന്ത്യന്‍ നേവി ചാംപ്യന്‍മാരായി. കോഴിക്കോട് കോര്‍പറേഷന്‍ സ്റ്റേഡിയത്തില്‍ നടന്ന മത്സരത്തില്‍ പെനാല്‍റ്റി ഷൂട്ടൗട്ടിലായിരുന്നു നേവിയുടെ വിജയം.
നേവിയുടെ ആദ്യ ലീഗ് സീസണില്‍ തന്നെ കിരീടം ഉയര്‍ത്താന്‍ അവര്‍ക്കായി. ആദ്യ പകുതിയില്‍ ഇരു ടീമുകള്‍ക്കും നിരവധി അവസരങ്ങള്‍ ലഭിച്ചു എങ്കിലും ഗോള്‍ പിറന്നില്ല. രണ്ട@ാം പകുതിയിലാണ് ര@ണ്ട് ഗോളുകളും പിറന്നത്. പെനാല്‍റ്റിയിലൂടെയായിരുന്നു ര@ണ്ട് ഗോളുകളും.
78ാം മിനുട്ടില്‍ ഇന്ത്യന്‍ നേവിക്കാണ് ആദ്യ പെനാല്‍റ്റി ലഭിച്ചത്. തൊട്ടടുത്ത മിനുട്ടില്‍ ഗോകുലത്തിനും പെനാല്‍റ്റി ലഭിച്ചു. ക്രിസ്റ്റ്യന്‍ സബയെ ബോക്‌സില്‍ വീഴ്ത്തിയതിനായിരുന്നു റഫറി പെനാല്‍റ്റി വിധിച്ചത്. കിക്കെടുത്ത സബാ പന്ത് ലക്ഷ്യത്തിലെത്തിച്ച് സമനില പാലിച്ചു.
കൂടുതല്‍സമയത്തും പന്ത് കൈവശംവച്ച ഗോകുലത്തിന് ഗോള്‍ നേടുന്നതിന് പത്തിലധികം സുവര്‍ണാവസരങ്ങള്‍ ലഭിച്ചു. പക്ഷെ ഫിനിഷിങ്ങിന് ആളില്ലാത്തത് തിരിച്ചടിയായി.
രണ്ടാം പകുതിയില്‍ അര്‍ജുന്‍ ജയരാജ് ഇറങ്ങി കളിയുടെ നിയന്ത്രണം ഏറ്റെടുത്തെങ്കിലും ഗോള്‍ മാത്രം കണ്ടെത്താനായില്ല. പെനാല്‍റ്റി ഷൂട്ടൗട്ടില്‍ ഇരു ടീമുകളും ഓരോ കിക്കുകള്‍ പാഴാക്കി. സ്‌കോര്‍ 4-4 എന്ന നിലയിലെത്തി. പിന്നീട് കിക്ക് സഡന്‍ ഡത്തിലേക്ക് കടക്കുകയും ഗോകുലം കിക്ക് നഷ്ടപ്പെടുത്തുകയുമായിരുന്നു.