കോഴിക്കോട്: കാലിക്കറ്റ് സര്‍വകലാശാല ഇന്റര്‍സോണ്‍ കലോത്സവത്തിന് ഇന്ന് തുടക്കമാകും. രാവിലെ ഒന്‍പതിന് മത്സരങ്ങള്‍ ആരംഭിക്കും. സ്റ്റേജിതര മത്സരങ്ങളുടെ ഉദ്ഘാടനം രാവിലെ പത്തിന് കെ.പി രാമനുണ്ണി നിര്‍വഹിക്കും. സ്റ്റേജ് മത്സരങ്ങള്‍ 10ന് വൈകിട്ട് നാലിന് ടി. പത്മനാഭന്‍ ഉദ്ഘാടനം ചെയ്യും.
ലക്ഷദ്വീപ്, തൃശൂര്‍, പാലക്കാട്, മലപ്പുറം, കോഴിക്കോട്, വയനാട് സോണലുകളില്‍ നിന്നായി മൂവായിരത്തിലധികം കലാപ്രതിഭകള്‍ കലോത്സവത്തില്‍ മാറ്റുരയ്ക്കും. മലബാര്‍ ക്രിസ്ത്യന്‍ കോളജിലും ഐ.എച്ച്.ആര്‍.ഡി കോളജിലുമായി എട്ടു വേദികളിലാണ് മത്സരം. പ്രശസ്ത നാടക പ്രവര്‍ത്തകന്‍ സഫ്ദര്‍ ഹാഷ്മിയുടെ 'ഹല്ലാ ബോല്‍' നാടകത്തിന്റെ പേരാണ് കലോത്സവത്തിന് നല്‍കിയിരിക്കുന്നത്.

 ഇന്നത്തെ മത്സരങ്ങള്‍

രജിസ്‌ട്രേഷന്‍:  രാവിലെ 8.00
കഥാരചന മലയാളം, കവിതാരചന അറബിക്, തമിഴ്, ഹിന്ദി. പ്രബന്ധരചന സംസ്‌കൃതം, ഉറുദു, ഇംഗ്ലീഷ്, പെന്‍സില്‍ ഡ്രോയിങ്- രാവിലെ 9.00
കവിതാരചന മലയാളം, ഉറുദു. കഥാരചന അറബിക്, സംസ്‌കൃതം, തമിഴ്, ഇംഗ്ലീഷ്, ഹിന്ദി. കാര്‍ട്ടൂണ്‍, പോസ്റ്റര്‍ നിര്‍മാണം. രാവിലെ 11.15
കഥാരചന ഉറുദു, കവിതാരചന ഇംഗ്ലീഷ്, സംസ്‌കൃതം. പ്രബന്ധ രചന ഹിന്ദി, മലയാളം, അറബിക്, തമിഴ്. കൊളാഷ്. ഉച്ചയ്ക്ക് 1.30