ചെന്നൈ: ചെന്നൈ വടപളനിയില്‍ അപാര്‍ട്ട്‌മെന്റില്‍ തീപിടിച്ച് രണ്ടു കുട്ടികളുള്‍പ്പെടെ നാലുപേര്‍ മരിച്ചു. സഞ്ജയ്(4), ശാലിനി(10), സെല്‍വി(30), മീനാക്ഷി(60) എന്നിവരാണ് മരണപ്പെട്ടത്.

പുലര്‍ച്ചെ 4.45ഓടെ സൗത്ത് പെരുമാള്‍ സ്ട്രീറ്റിലെ അപാര്‍ട്ട്‌മെന്റില്‍ തീ പിടിക്കുകയായിരുന്നു. അഗ്നിശമന സേന ഏഴുപേരെ രക്ഷപ്പെടുത്തി. ഷോര്‍ട്ട് സര്‍ക്യൂട്ടാകാം തീപിടുത്തത്തിന് കാരണമെന്ന് സംശയിക്കുന്നു. മരിച്ചവരുടെയോന്നും ദേഹത്ത് പൊള്ളലേറ്റ പാടില്ല. ഇവര്‍ പുക ശ്വസിച്ച് ശ്വാസം മുട്ടി മരിച്ചതാണെന്ന് ഡോക്ടര്‍മാര്‍ അറിയിച്ചു.