വാടാനപ്പള്ളി: സ്‌കൂള്‍, കോളജ് വിദ്യാര്‍ഥികളെ ലക്ഷ്യം വെച്ചാണ് ലഹരി മാഫിയകള്‍ പ്രവര്‍ത്തിക്കുന്നതെന്ന് വാടാനപ്പള്ളി എക്‌സൈസ് സി.ഐ പ്രദീപ് കുമാര്‍ അഭിപ്രായപ്പെട്ടു.
തൃത്തല്ലൂര്‍ വെസ്റ്റ് മുഹമ്മദിയ്യ മദ്‌റസയില്‍ മുഹമ്മദിയ്യ യുവജന സംഘവും എസ്.കെ.എസ്.എസ്.എഫും സംയുക്തമായി സംഘടിപ്പിച്ച ലഹരി വിരുദ്ധബോധവല്‍ക്കരണ ക്ലാസില്‍ സംസാരിക്കുകയായിരുന്നു അദ്ദേഹം. ഇന്ന് വിപണിയില്‍ ലഭിക്കുന്ന മധുര പലഹാരങ്ങള്‍ പോലും സൂക്ഷിക്കേണ്ടതാണ്. രക്ഷിതാക്കളും അധ്യാപകരും കുട്ടികളുടെ കാര്യത്തില്‍ ജാഗരൂഗരാകണമെന്നും അദ്ദേഹം അഭിപ്രായപ്പെട്ടു.
 മൈത്രി കോഡിനേറ്റര്‍ എ.എം നൂറുദ്ദീന്‍ ഉദ്ഘാടനം ചെയ്തു.
മദ്‌റസ പ്രധാനാധ്യാപകന്‍ എ.കെ അലി മുസ്‌ലിയാര്‍ അധ്യക്ഷനായി. സി.എം ശിഹാബുദ്ദീന്‍ മൗലവി, എ.ടി റഫീഖ്, പി.എസ് റിനാസ്, ആര്‍.എസ് നസീര്‍, എ.ഐ മുഹമ്മദ് സാബിര്‍, എ.എ ജാബിര്‍, എ.ടി ഷബീറലി, എ.എ ഹാഷിം സംസാരിച്ചു.