പാലക്കാട്: ദലിതുകള്‍ക്കെതിരായ അതിക്രമങ്ങള്‍ അവസാനിപ്പിക്കണമെന്നാവശ്യപ്പെട്ട് എസ്ഡിപിഐ സംസ്ഥാന വ്യാപകമായി നടത്തുന്ന പ്രചരണങ്ങളുടെ ഭാഗമായി ജില്ലാ കമ്മിറ്റിയുടെ നേതൃത്വത്തില്‍ പാലക്കാട് മുന്‍സിപ്പല്‍ ബസ് സ്റ്റാന്റ് പരിസരത്ത് ധര്‍ണ നടത്തി. പശുവിന്റെ സംസ്‌കരണവുമായി ബന്ധപ്പെട്ട് ഗുജറാത്തില്‍ നാല് ദലിതര്‍ക്കെതിരെ ആര്‍എസ്എസിന്റെ നേതൃത്വത്തിലുള്ള ഗോ സംരക്ഷക സംഘം വ്യാപകമായി അക്രമമഴിച്ചുവിട്ട നടപടിയില്‍ പ്രതിഷേധിച്ചാണ് ധര്‍ണ നടത്തിയത്. എസ്ഡിപിഐ സംസ്ഥാന സമിതിയംഗം ഇ എസ് ഖാജാഹുസൈയ്ന്‍ ധര്‍ണ ഉദ്ഘാടനം ചെയ്തു. ജില്ലാ വൈസ് പ്രസിഡന്റ് സക്കീര്‍ ഹുസൈയ്ന്‍ അധ്യക്ഷനായി. എം സെയ്തലവി വിഷയാവതരണം നടത്തി. കെ അബൂതാഹിര്‍, ഒ എച്ച് ഖലീല്‍, മണ്ഡലം കെ കെ ഹുസൈയ്ന്‍ സംസാരിച്ചു.