നെയ്യാറ്റിന്‍കര: റിട്ട.പൊലിസ് ഉദ്യോഗസ്ഥനെ വെട്ടിപ്പരുക്കേല്‍പ്പിച്ച് മാല പിടിച്ചു പറിച്ച കേസിലെ പ്രതിയെ നെയ്യാറ്റിന്‍കര പൊലിസ് അറസ്റ്റ് ചെയ്തു. അതിയന്നൂര്‍ തലയല്‍ ആറാലുംമൂട് കോരത്തലവിള വിനായക ഭവനില്‍ വിനയന്‍ എന്നുവിളിക്കുന്ന അരുണ്‍ മോഹനാ (31)ണ് അറസ്റ്റിലായത്.
കഴിഞ്ഞ മാര്‍ച്ച് 25 ന് രാത്രി 7.45 ന് പത്താംകല്ല് റോളന്‍സ് ആശുപത്രിയ്ക്ക് പുറകുവശം ആര്‍.എസ്. സ്റ്റോറിന് സമീപത്തായിരുന്നു കേസിനാസ്പദമായ സംഭവം. റിട്ട.പൊലിസ് ഉദ്യോഗസ്ഥനായ രവികുമാറിനെ (66) ബൈക്കിലെത്തിയ സംഘം മാരകമായി വെട്ടിപ്പരുക്കേല്‍പ്പിച്ച ശേഷം സ്വര്‍ണ മാല പിടിച്ചു പറിക്കുകയായിരുന്നു. കേസിലെ ഒന്നാം പ്രതിയാണ് അറസ്റ്റിലായ അരുണ്‍ മോഹന്‍.
നെയ്യാറ്റിന്‍കര ഡി.വൈ.എസ്.പി ഹരികുമാര്‍ , സി.ഐ.കെ.എസ്.അരുണ്‍ , എസ്.ഐ.സുജിത്ത് , എസ്.സി.പി.ഒമാരായ അഭിലാഷ് , അ ശോകന്‍ എന്നിവരടങ്ങിയ സംഘമാണ് പ്രതിയെ അറസ്റ്റ് ചെയ്തത്. കോടതിയില്‍ ഹാജരാക്കിയ പ്രതിയെ റിമാന്റ് ചെയ്തു.