കോട്ടയം:  ഇന്ത്യ ഇന്റര്‍നാഷനല്‍ ഫ്രണ്ട്ഷിപ് സൊസൈറ്റിയുടെ ഈ വര്‍ഷത്തെ ഭാരത് ഗൗരവ് അവാര്‍ഡിന് ലിനിയ ആനി കുര്യന്‍ അര്‍ഹയായി. 27ന് ന്യൂഡല്‍ഹിയില്‍ നടക്കുന്ന ചടങ്ങില്‍ പുരസ്‌കാരവും പ്രശസ്തിപത്രവും സമ്മാനിക്കും. ശാസ്ത്ര സാങ്കേതികത, വിദ്യാഭ്യാസം, വ്യവസായം, കല, രാഷ്ട്രീയം, സാമൂഹിക സേവനം തുടങ്ങിയ മേഖലകളില്‍ നിസ്തുല സംഭാവന നല്‍കിയവരെ ആദരിക്കാന്‍ ഏര്‍പ്പെടുത്തിയിട്ടുള്ളതാണ് പുരസ്‌കാരം.
ഇന്‍ഡോര്‍ ഐ.ഐ.ടിയില്‍ ഗണിതശാസ്ത്ര  ഗവേഷകയായ  ലിനിയ ബ്രിട്ടീഷ് സര്‍ക്കാരിന്റെ റിസര്‍ച്ചേഴ്‌സ് ഇന്‍ സ്‌കൂള്‍സ് പ്രോഗ്രാമിലേക്കും തിരഞ്ഞെടുക്കപ്പെട്ടിട്ടുണ്ട്. ഇന്ത്യന്‍ സയന്‍സ് കോണ്‍ഗ്രസ് അസോസിയേഷന്‍ ആജീവനാന്ത അംഗമാണ്.