മൂവാറ്റുപുഴ: നഗരത്തിലെ വ്യാപാര സ്ഥാപനത്തില്‍ മോഷണം നടത്തിയ രണ്ടുപേരെ മൂവാറ്റുപുഴ പൊലിസ് അറസ്റ്റ് ചെയ്തു. മലയാളിയായ മൂവാറ്റുപുഴ തോട്ടഞ്ചേരി പുളിക്കല്‍ ബിജുക്കുട്ടന്‍, അന്യസംസ്ഥാന തൊഴിലാളിയായ മുഷിദാബാദ് സ്വദേശി ആലംഷേക്ക് എന്നിവരാണ് പിടിയിലായത്.
കഴിഞ്ഞ 18ന് മൂവാറ്റുപുഴ വെണ്‍വേ ജംഗ്ഷനില്‍ പ്രവര്‍ത്തിക്കുന്ന ഐഡിയല്‍ ചിക്കന്‍ സെന്റര്‍ ആന്‍ഡ് ബസ്മതി സ്റ്റോഴ്‌സ് എന്ന സ്ഥാപനത്തിലാണ് മോഷണം നടന്നത്. കടയുടെ താഴറുത്ത് അകത്ത് കടന്ന പ്രതികള്‍ മേശയില്‍ സൂക്ഷിച്ചിരുന്ന ഇരുപതിനായിരം രൂപ മോഷ്ടിക്കുകയായിരുന്നു.
എസ്.ഐമാരായ എ. അനൂപ്, കെ.കെ പരീത്, എ.എസ്.ഐ ഷാജു കെ.കെ, സിവില്‍ പൊലിസ് ഓഫീസര്‍മാരായ അഗസ്റ്റിന്‍, പരീത് എന്നിവരാണ് അന്വേഷണ സംഘത്തിലുണ്ടായിരുന്നത്. കഴിഞ്ഞ ദിവസം മൂവാറ്റുപുഴയിലെ നിരവധി മൊബൈല്‍ ഷോപ്പുകളില്‍ നിന്നും മൊബൈലുകള്‍ മോഷ്ടിച്ച മൂന്നംഗം സംഘത്തെ പൊലിസ് അറസ്റ്റ് ചെയ്തിരുന്നു.