നെടുമ്പാശ്ശേരി: അന്താരാഷ്ട്ര വിമാനത്താവളം വഴി അടിവസ്ത്രത്തില്‍ ഒളിപ്പിച്ച് കടത്താന്‍ ശ്രമിച്ച സ്വര്‍ണാഭരണങ്ങള്‍ കസ്റ്റംസ് എയര്‍ ഇന്റലിജന്‍സ് വിഭാഗം പിടികൂടി. ഇത്തിഹാദ് എയര്‍ലൈന്‍സിന്റെ വിമാനത്തില്‍ അബൂദബിയില്‍ നിന്നുമെത്തിയ വടകര സ്വദേശി നൗഷാദ് (38)ആണ് പിടിയിലായത്. 10 ലക്ഷം രൂപ വിലവരുന്ന 349.920 ഗ്രാം തൂക്കമുള്ള സ്വര്‍ണാഭരണങ്ങളാണ് ഇയാളില്‍നിന്നു പിടികൂടിയത്. ഡെപ്യൂട്ടി കമ്മിഷണര്‍മാരായ പി.ജെ ഡേവിഡ്, എം. ഷൈരാജ്, അസി. കമ്മിഷണര്‍ പി.സി അജിത്കുമാര്‍ എന്നിവരുടെ നേതൃത്വത്തില്‍ നടന്ന പരിശോധനയിലാണ് സ്വര്‍ണം കണ്ടെത്തിയത്.