പുത്തനത്താണി: മാതാവിനൊപ്പം ഓട്ടോയില്‍ യാത്ര ചെയ്യവേ മറ്റൊരു ഓട്ടോയിടിച്ച് നാലു വയസുകാരി മരിച്ചു. കാടാമ്പുഴ ത്വവാഫ്പാറ പല്ലികണ്ടം സ്വദേശി തൊട്ടിയന്‍ കണ്ടത്തില്‍ മുഹമ്മദ് ഷാഫിയുടെ മകള്‍ മുഫ്‌ലിഹ ആണ് മരിച്ചത്.
ശനിയാഴ്ച രാത്രി 10.30ഓടെ ആയിരുന്നു അപകടം. കാടാമ്പുഴ ജാറത്തിങ്കലിലെ ഉമ്മയുടെ വീട്ടില്‍ നിന്ന് അമ്മാവന്‍ ഓടിച്ചിരുന്ന ഓട്ടോയില്‍ മറ്റൊരു ഓട്ടോ ഇടിക്കുകയായിരുന്നു.
മുഫ്‌ലിഹ പത്തായക്കല്ല് കാഞ്ഞീരത്തടം ഹയാത്തുല്‍ ഇസ്‌ലാം മദ്‌റസയിലെ തസ്‌കിയ പ്രീസ്‌കൂള്‍ വിദ്യാര്‍ഥിയാണ്. സഹോദരങ്ങള്‍: മുഹ്‌സിന്‍, സല്‍മാന്‍.