ലിസ്ബണ്‍: അടുത്ത മാസം ആദ്യ വാരത്തില്‍ നടക്കുന്ന യുവേഫ നാഷന്‍സ് ലീഗ് സെമി ഫൈനലിനായുള്ള പോര്‍ച്ചുഗല്‍ ടീം പ്രഖ്യാപിച്ചു. യുവന്റസ് താരം ക്രിസ്റ്റ്യാനോ റൊണാള്‍ഡോ ടീമിലെത്തിയതാണ് പ്രധാന മാറ്റം. മാഞ്ചസ്റ്റര്‍ സിറ്റിക്കായി തകര്‍പ്പന്‍ പ്രകടനം കാഴ്ചവച്ച ബെര്‍ണാഡോ സില്‍വയും ടീമില്‍ ഇടം നേടിയിട്ടുണ്ട്.
പോര്‍ച്ചുഗലില്‍ അത്ഭുതങ്ങള്‍ കാണിക്കുന്ന യുവതാരം ഫെലിക്‌സും ടീമില്‍ ഇടം നേടിയിട്ടുണ്ട്. ആദ്യ ഇലവനിലെത്തുകയാണെങ്കില്‍ ഫെലിക്‌സിന്റെ അരങ്ങേറ്റവും നാഷന്‍സ് ലീഗില്‍ നടക്കും.
പാട്രിസിയോ, റൂബന്‍ നവസ്, മൗടീനോ, ജൊട്ട എന്നിവരും ടീമിലെത്തിയിട്ടുണ്ട്. സ്‌ട്രൈക്കര്‍ ആന്‍ഡ്രെ സില്‍വ ആണ് ടീമില്‍ ഉള്‍പ്പെടാത്ത താരം. സ്വിറ്റ്‌സര്‍ലന്റിനെതിരേ ജൂണ്‍ ആറിനാണ് പോര്‍ച്ചുഗലിന്റെ സെമി മത്സരം.

ടീം
ഗോള്‍കീപ്പര്‍മാര്‍:
ബെറ്റോ, റൂയി പട്രിഷ്യോ, ജോസെ ഷ
പ്രതിരോധം: റാഫേല്‍ ഗൊരേരോ, മാരിയോ റൂയി, നെല്‍സണ്‍ സെമേഡോ, ജാവോ കണ്‍സീലോ, റൂബന്‍ ദിയാസ്, പെപെ, ജോസ് ഫോണ്ടെ.
മധ്യനിര: ബ്രൂണോ ഫെര്‍ണാണ്ടസ്, ഡാനിലോ പെരേരിയ, വില്യം കര്‍വാലോ, പിസ്സി, റൂബന്‍ നവാസ്, ജാവോ മൗട്ടീഞ്ഞോ.
മുന്നേറ്റനിര: ബെര്‍ണാഡോ സില്‍വ, ക്രിസ്റ്റ്യാനോ റൊണാള്‍ഡോ, ഡിയഗോ ജോട്ട, ഡിയഗോ സോസ, ജാവോ ഫെലിക്‌സ്, ഗോണ്‍സാലോ ഗൗഡസ്, റഫ സില്‍വ.