മണലൂര്‍ : സംസ്ഥാനത്തെ വിദ്യാഭ്യാസ രംഗത്തെ മറ്റുള്ളവര്‍ മാതൃകയാക്കുന്ന തരത്തില്‍ ഉയര്‍ത്തിക്കൊണ്ടു വരുമെന്ന് വിദ്യാഭ്യാസ മന്ത്രി സി.രവീന്ദ്രനാഥ് പറഞ്ഞു. മണലൂര്‍ സര്‍വിസ് സഹകരണ ബാങ്കിന്റെ നേതൃത്വത്തില്‍ സംഘടിപ്പിച്ച മികവ് 2016 ഉദ്ഘാടനം ചെയ്തു സംസാരിക്കുകയായിരുന്നു മന്ത്രി.
ഉന്നത വിദ്യാഭ്യാസത്തോടുള്ള വിദ്യാര്‍ഥികളുടെ സമീപനത്തിന്റെ തെറ്റും ശരിയും ആശ്രയിച്ചാണ് ജീവിതത്തില്‍ ഏറ്റക്കുറച്ചിലുകള്‍ ഉണ്ടാവുകയെന്നും മന്ത്രി ചൂണ്ടിക്കാട്ടി. മുരളി പെരുനെല്ലി എം.എല്‍.എ.ചടങ്ങില്‍ അദ്ധ്യക്ഷനായി.
നൂറ് ശതമാനം നേടിയ വിദ്യാലയങ്ങളെയും ഉന്നത വിജയം നേടിയ വിദ്യാര്‍ഥികളെയും ചടങ്ങില്‍ മന്ത്രി ഉപഹാരങ്ങള്‍ നല്‍കി ആദരിച്ചു. മണലൂര്‍ ഗ്രാമപഞ്ചായത്ത് പ്രസിഡന്റ് സീത ഗണേഷ്, ബാങ്ക് പ്രസിഡന്റ് കെ.ആര്‍.പ്രവില്‍, സെക്രട്ടറി സീലിയ ലോറന്‍സ്, ജില്ലാ പഞ്ചായത്ത് അംഗം സിജി മോഹന്‍ ദാസ്, ബ്ലോക്ക് പഞ്ചായത്ത് വൈസ് പ്രസിഡന്റ് പി.ബി.ഹരിദാസ് തുടങ്ങി ജനപ്രതിനിധികളും വിവിധ രാഷ്ട്രീയ കക്ഷി നേതാക്കളും മികവ് 2016ല്‍ പങ്കെടുത്തു.