ന്യൂഡല്‍ഹി: കാര്‍ഷിക നിയമത്തിനെതിരെ പ്രതിഷേധിക്കുന്ന കോണ്‍ഗ്രസ് നേതാക്കളായ രാഹുല്‍ ഗാന്ധിക്കും പ്രിയങ്കാ ഗാന്ധിക്കുമെതിര കേന്ദ്ര മന്ത്രി ഗജേന്ദ്ര സിംഗ് ശെഖാവത്. ഒരു ഇല കണ്ട് അത് ഏത് വിളയാണെന്ന്് രാഹുലിനും പ്രിയങ്കക്കും മനസിലാക്കാന്‍ സാധിച്ചാല്‍ താന്‍ രാഷ്ട്രീയം അവസാനിപ്പിക്കുമെന്ന് ബി.ജെ.പിയുടെ കര്‍ഷക സംഘം ജനറല്‍ സെക്രട്ടറി കൂടിയായ ഗജേന്ദ്ര ശെഖാവത് പറഞ്ഞു.

ആട് ഏത് ചെമ്മരിയാട് ഏതെന്ന് പോലും രാഹുലിനോ പ്രിയങ്കക്കോ അറിയില്ലെന്നും മന്ത്രി പരിഹസിച്ചു.

കാര്‍ഷികനിയമങ്ങള്‍ക്കെതിരേ കോണ്‍ഗ്രസ് രാജ്യമെമ്പാടും പ്രതിഷേധങ്ങള്‍ നടത്തുന്നുണ്ട്. ഈ പശ്ചാത്തലത്തിലാണ് രാഹുലിനെയും പ്രിയങ്കയെയും വിമര്‍ശിച്ച് കേന്ദ്രമന്ത്രി രംഗത്തെത്തിയത്.

നേരത്തെ കര്‍ഷക ബില്ലിനെതിരെ സമരം നടത്തുന്ന കോണ്‍ഗ്രസ് നേതാവ് രാഹുല്‍ ഗാന്ധിക്ക് ഉള്ളിയും മുളകും എങ്ങനെയാണ് വളരുന്നത് എന്നുപോലും അറിയില്ലെന്ന് മധ്യപ്രദേശ് മുഖ്യമന്ത്രി ശിവരാജ് സിങ് ചൗഹാനും വിമര്‍ശിച്ചിരുന്നു.