ചെന്ത്രാപ്പിന്നി: എടമുട്ടം ആല്‍ഫ ചാരിറ്റബിള്‍ ട്രസ്റ്റിന്റെ ഹരിത സാന്ത്വനം പദ്ധതിയുടെ ഭാഗമായി നടത്തിയ നെല്‍ കൃഷി വിളവെടുത്തു. ഇന്നലെ
രാവിലെ നടന്ന ചടങ്ങില്‍ എടത്തിരുത്തി ഗ്രാമ പഞ്ചായത്ത് പ്രസിഡന്റ് ബൈന പ്രദീപ് ഉദ്ഘാടനം ചെയ്തു. ആല്‍ഫ ചെയര്‍മാന്‍ കെ.എം നൂറുദ്ദീന്‍ അധ്യക്ഷനായി. ബ്ലോക്ക് പഞ്ചായത്ത് വൈസ് പ്രസിഡന്റ് ഷീന വിശ്വന്‍, പഞ്ചായത്തംഗം ശ്രീദേവി ദിനേഷ്, കൃഷി ഓഫീസര്‍ എം.എച്ച് മുഹമ്മദ് ഇസ്മയില്‍, സുരേഷ് ശ്രീധരന്‍, കെ.എം റഹീന എന്നിവര്‍ സംസാരിച്ചു. ചെന്ത്രാപ്പിന്നി ചിറക്കല്‍ മുസ്‌ലിം പള്ളിക്കടുത്ത് മൂന്നര ഏക്കര്‍ സ്ഥലത്താണ് ആല്‍ഫ ചാരിറ്റബിള്‍ ട്രസ്റ്റിന്റെ ഹരിത സാന്ത്വനം പദ്ധതിയുടെ ഭാഗമായി ജൈവ നെല്‍കൃഷി നടത്തിയത്.