തലശ്ശേരി: കോടിയേരിയിലെ സംഘര്‍ഷ മേഖലയില്‍ പൊലിസ് റെയ്ഡില്‍ കുപ്പി ബോംബും ബോംബ് നിര്‍മാണ സാമഗ്രികളും കണ്ടെടുത്തു. ന്യൂമാഹി സ്റ്റേഷന്‍ പരിധിയിലെ കോമ്മല്‍വയലില്‍ലാണ് കുപ്പി ബോംബും മറ്റും കണ്ടെടുത്തത്. നങ്ങാറത്ത്പീടിക, ഇല്ലത്ത്താഴെ, ആച്ചുകുളങ്ങര പ്രദേശങ്ങളിലാണ് ബോംബ് സ്‌ക്വാഡിന്റെയും ഡോഗ് സ്‌ക്വാഡിന്റെയും നേതൃത്വത്തില്‍ പരിശോധന നടത്തിയത്. സി.പി.എം-ബി.ജെ.പി സംഘര്‍ഷത്തെ തുടര്‍ന്ന് പ്രദേശങ്ങളില്‍ ബോംബും ആയുധങ്ങളും രഹസ്യമായി സൂക്ഷിച്ചിട്ടുണ്ടെന്ന് വിവരമുണ്ടായിരുന്നു.