വാഷിങ്ടണ്‍: ഉത്തരകൊറിയയുടെ മിസൈല്‍ പരീക്ഷണത്തിലെ ആശങ്കകള്‍ തള്ളി യു.എസ് പ്രസിഡന്റ് ഡൊണാള്‍ഡ് ട്രംപ്. കേവലം ചെറിയ ആയുധങ്ങള്‍ മാത്രമാണ് ഉത്തരകൊറിയ വിക്ഷേപിച്ചത്. ഇത് ചിലരെ അസ്വസ്ഥരാക്കി. എന്നാല്‍, തനിക്ക് അത്തരം പ്രശ്‌നങ്ങളൊന്നുമുണ്ടായിട്ടില്ല.
കിം ജോങ് ഉന്‍ തനിക്ക് നല്‍കിയ വാഗ്ദാനം പൂര്‍ത്തീകരിക്കുമെന്നാണ് വിശ്വാസമെന്ന് അദ്ദേഹം പറഞ്ഞു. ജപ്പാന്‍ സന്ദര്‍ശനത്തിന് എത്തിയതിന് പിന്നാലെയുള്ള ട്വീറ്റിലാണ് ട്രംപിന്റെ പ്രതികരണം. എന്നാല്‍ മിസൈല്‍ പരീക്ഷണത്തിലൂടെ ഉത്തരകൊറിയ യു.എന്‍ തീരുമാനങ്ങള്‍ ലംഘിച്ചെന്ന് യു.എസ് ദേശീയ ഉപദേഷ്ടാവ് കഴിഞ്ഞ ദിവസം കുറ്റപ്പെടുത്തിയിരുന്നു.