കോഴിക്കോട്: വടകരയില്‍ സ്വതന്ത്രസ്ഥാനാര്‍ഥിയായി മത്സരിച്ച സി.പി.എം വിമത നേതാവ് സിഒടി നസീറിനെ വധിക്കാന്‍ശ്രമിച്ച സംഭവത്തില്‍ പി.ജയരാജന് പങ്കുണ്ടെന്ന് കരുതുന്നില്ലെന്ന് സി.ഒ.ടി നസീര്‍. അതേ സമയം തലശേരിയിലെ ജനപ്രതിനിധിക്ക് പങ്കുണ്ടെന്നും അദ്ദേഹം ആരോപിച്ചു.  വിരല്‍ ചൂണ്ടുന്നത് തലശ്ശേരി എം.എല്‍.എ എ.എന്‍ ഷംസീറിനു നേര്‍ക്കാണെന്നാണു സൂചന.

ഗൂഢാലോചനയില്‍ ഉന്നതരുടെ പങ്ക് വ്യക്തമാക്കാന്‍ അന്വേഷണം നടത്തണം. രണ്ട് സിപിഎം ലോക്കല്‍ കമ്മറ്റി അംഗങ്ങളും ഗൂഡാലോചനയില്‍ പങ്കെടുത്തിട്ടുണ്ടെന്നും നസീര്‍ പറഞ്ഞു.

അതേസമയം സംഭവത്തില്‍ രണ്ട് പേര്‍ അറസ്റ്റിലായിരുന്നു. കൊളശേരി കളരിമുക്ക് സ്വദേശി സോജിത്ത്, പൊന്ന്യം പുല്ലോടിയിലെ അശ്വന്ത് എന്നിവരെയാണ് അറസ്റ്റ് ചെയ്തത്. മെയ് 18 ന് രാത്രി 8 മണിയോടെ തലശ്ശേരി കയ്യത്ത് റോഡില്‍ വച്ചാണ് സി ഒ ടി നസീര്‍ ആക്രമിക്കപ്പെട്ടത്.