തൊടുപുഴ: ജില്ലാ സ്‌പോര്‍ട്‌സ് കൗണ്‍സിലിന്റെ ആഭിമുഖ്യത്തില്‍ തൊടുപുഴ ന്യുമാന്‍ കോളജിലെ എന്‍.സി.സി യൂനിറ്റിന്റെ സഹകരണത്തോടെ സ്ത്രീ സുരക്ഷ പദ്ധതിയുടെ ഭാഗമായി 10 ദിവസത്തെ സൗജന്യ തയ്ക്വന്‍ഡോ പരിശീലന ക്യാംപിന് ന്യൂമാന്‍ കോളജില്‍ തുടക്കമായി. ജില്ലയുടെ വിവിധ ഭാഗങ്ങളി നിന്നുളള വനിതകളാണ് പരിശീലന ക്യാംപില്‍ പങ്കെടുക്കുന്നത്.
ജില്ലാ സ്‌പോര്‍ട്‌സ് കൗണ്‍സില്‍ പ്രസിഡന്റ് കെ.എല്‍ ജോസഫ് ക്യാംപ് ഉദ്ഘാടനം ചെയ്തു. കോളജ് പ്രിന്‍സിപ്പല്‍ ഫാ. വിന്‍സെന്റ് ജോസഫ് അധ്യക്ഷനായി. തൊടുപുഴ സര്‍ക്കിള്‍ ഇന്‍സ്‌പെക്ടര്‍ എന്‍.ജി ശ്രീമോന്‍ ക്യാംപില്‍ പങ്കെടുത്തവര്‍ക്ക് സ്ത്രീ സുരക്ഷാ ബോധവല്‍ക്കരണ ക്ലാസ് എടുത്തു. ദ്രോണാചാര്യ കെ.പി തോമസ് മുഖ്യപ്രഭാഷണം നടത്തി. ഫാ. തോമസ് പൂവത്തിങ്കല്‍, പി. എ. സലീംകുട്ടി, എ. ജെ. നിവാസ്, തോംസണ്‍ ജോസഫ്, രതീഷ്‌കുമാര്‍ എന്നിവര്‍ സംസാരിച്ചു. എന്‍സിസി ഓഫിസര്‍ പ്രജീഷ് .സി .മാത്യു സ്വാഗതവും ജില്ലാ സ്‌പോര്‍ട്‌സ് കൗണ്‍സില്‍ സെക്രട്ടറിയുടെ ചുമതല വഹിക്കുന്ന എ. മായാദേവി നന്ദിയും പറഞ്ഞു.