മ്യൂണിക്: ജര്‍മന്‍ കപ്പ് ഫുട്‌ബോള്‍ ടൂര്‍ണമെന്റില്‍ ബയേണ്‍ മ്യൂണിക്കിന് വിജയത്തുടക്കം. യുവേഫ നേഷന്‍സ് ലീഗില്‍ ജര്‍മനിക്ക് വേണ്ടി ആദ്യ ഇലവനിലെ താരങ്ങള്‍ ഇറങ്ങിയപ്പോള്‍ പുതുമുഖങ്ങളുമായി ഇറങ്ങിയ ബയേണ്‍ മികച്ച ജയമാണ് സ്വന്തമാക്കിയത്. എതിരില്ലാത്ത മൂന്ന് ഗോളുകള്‍ക്കാണ് എഫ്.സി ഡുരേനിനെ പരാജയപ്പെടുത്തി ബയേണ്‍ ജര്‍മന്‍ കപ്പിന്റെ രണ്ടാം റൗണ്ടില്‍ കടന്നത്.
അരങ്ങേറ്റത്തില്‍ ചൗപോ മോട്ടിങ് അരങ്ങ് തകര്‍ത്തപ്പോള്‍ ബയേണിന് വേണ്ടി പിറന്നത് ഇരട്ട ഗോളുകളായിരുന്നു. തോമസ് മുള്ളറും ബയേണിനായി സ്‌കോര്‍ ചെയ്തു. അലക്‌സാണ്ടര്‍ നൂബല്‍,ബൗന സാര്‍, ബോട്ടങ്ങ്, കോസ്റ്റ, ചൗപോ മോട്ടിങ് എന്നിവരടങ്ങിയ ടീമുമായാണ് ഹാന്‍സി ഫ്‌ളിക്ക് ജര്‍മനിയെ കളത്തിലിറക്കിയത്. ബയേണിന് വേണ്ടി നൂബല്‍,ബൗന സാര്‍,മാര്‍ക് റോക എന്നിവര്‍ അരങ്ങേറ്റം കുറിക്കുകയും ജമാല്‍ മുയിസല സീനിയര്‍ ടീമില്‍ അരങ്ങേറുകയും ചെയ്തു. ഇന്ന് രാത്രി പത്ത് മണിക്ക് അര്‍മിനിയ ക്ലബിനെതിരേയാണ് ബയേണിന്റെ അടുത്ത മത്സരം.