കാലിഫോര്‍ണിയ: അമേരിക്കയിലെ ഫ്‌ളോറിഡയിലെ നിശാക്ലബിലുണ്ടായ വെടിവെപ്പില്‍ രണ്ടുപേര്‍ മരിച്ചു. 17ാളം പേര്‍ക്ക് പരുക്കുണ്ട്. കൗമാരപ്രായക്കാരുടെ നിശാക്ലബിലാണ് വെടിവെപ്പുണ്ടായത്. വെടിവെച്ചത് ആരാണെന്ന് വ്യക്തമല്ല. പരുക്കേറ്റവരും മരിച്ചവരുമെല്ലാം 13 വയസിനും 17 വയസിനും ഇടയിലുള്ളവരാണ്.

കഴിഞ്ഞ ജൂണ്‍ 12ന് ഫ്‌ളോറിഡയിലെ ഓര്‍ലാന്‍ഡോയിലെ സ്വവര്‍ഗാനുരാഗികളുടെ നിശാക്ലബിലുണ്ടായ വെടിവെപ്പില്‍ 49 പേര്‍ മരിച്ചിരുന്നു. ഇതിന്റെ ഞെട്ടല്‍ മാറുന്നതിനു മുന്നേയാണ് അമേരിക്കയെ ഭീതിയിലാഴ്ത്തി മറ്റൊരു വെടിവെപ്പ് വാര്‍ത്തയും എത്തിയിരിക്കുകയാണ്.