ഈരാറ്റുപേട്ട: നഗരസഭാ പരിധിയില്‍ ഡെങ്കിപ്പനിയും വൈറല്‍ പനിയും പടര്‍ന്നു പിടിക്കുമ്പോഴും പി.എച്ച്.സി യില്‍ ആവശ്യത്തിന് സോക്ടര്‍മാരില്ലത്തത് രോഗികളെ ബുദ്ധിമുട്ടിലാക്കുന്നു. മിക്കവാറും എല്ലാ ദിവസവും ഒ.പിയില്‍ ഒരു ഡോക്ടര്‍ മാത്രമേ ഉണ്ടാവുകയുള്ളു. ഒ.പിയില്‍ ചികിത്സ തേടിയെത്തുന്നതാകട്ടെ പ്രതിദിനം  400ഓളം രോഗികളും. ഒരു ഡോക്ടറെ കൊണ്ട് ഇത്രയും രോഗികളെ പരിശോധിച്ച് ചികിത്സ നിശ്ചയിക്കുവാന്‍ കഴിയില്ല.
നുറു കണക്കിന് പേര്‍ ക്യൂവില്‍ നിന്ന് ചികില്‍സ കിട്ടാതെ മടങ്ങുന്നത് പതിവായിരിക്കുകയാണ്. മൂന്ന് ഡോക്ടര്‍ വേണ്ടിടത്ത് ഒരു ഡോക്ടറെ നിയമിച്ച് അധികൃതര്‍ക്രൂരത കാണിക്കുകയാണ്.ഈ സര്‍ക്കാര്‍ ആശുപത്രിയില്‍ 24 പേരെ കിടത്തി  ചികില്‍സിക്കുവാനുള്ള സൗകര്യമുണ്ട്. മിക്ക ദിവസങ്ങളില്‍ 24 പേര്‍ ഐ.പി.യിലുണ്ട്. എന്നാല്‍ രാത്രിയില്‍ ഈ ആശുപത്രിയില്‍ ഡോക്ടറുടെ സേവനം ലഭ്യമല്ല. ഈ ആശുപത്രി താലൂക്ക് ആശുപത്രിയായാല്‍മാത്രമേ രാത്രിയില്‍ ഡോക്ട മാരുടെ സേവനം ലഭ്യമാകുകയുള്ളു.
ഈരാറ്റുപേട്ട നഗരസഭ ഈ ആശുപത്രിക്ക് എല്ലാ വിധ ഭൗതിക സൗകര്യമൊരുക്കിയിട്ടും ആരോഗ്യ വകുപ്പ് ഈ ആശുപത്രിയോട് കടുത്ത അവഗണനയാണ്. കാണിക്കുന്നതെന്ന് നാട്ടുകാര്‍ പറയുന്നു.