ന്യൂഡല്‍ഹി: നീറ്റ് പരീക്ഷാ ക്രമക്കേടിനെതിരെ കേന്ദ്രസര്‍ക്കാറിനെതിരെ പ്രതിഷേധം നടക്കവേ മോദിക്കെതിരേ രൂക്ഷ വിമര്‍ശനവുമായി സോണിയാഗാന്ധി.

വിദ്യാര്‍ഥികളെ മോദി സര്‍ക്കാര്‍ ശത്രുക്കളെ പോലെയാണ് കാണുന്നതെന്നും വിദ്യാര്‍ഥികളുടെ ആവശ്യം കേള്‍ക്കുന്നതിന് പകരം അടിച്ചമര്‍ത്തുന്ന സമീപനമാണ് സര്‍ക്കാര്‍ ചെയ്യുന്നതെന്നും സോണിയാഗാന്ധി പറഞ്ഞു.

വിദ്യാര്‍ഥികള്‍ക്ക് നേരെ മോദി സര്‍ക്കാര്‍ നടത്തുന്ന അടിച്ചമര്‍ത്തല്‍ മുന്‍പ് ഒരിക്കലും ഇല്ലാത്ത വിധത്തിലാണ്. വിയോജിപ്പുകളെ ദേശവിരുദ്ധമായി മുദ്രകുത്തുന്ന സര്‍ക്കാര്‍ പഴയ 'ആയുധം' വീണ്ടും പ്രയോഗിക്കുകയാണ്. തുടര്‍ച്ചയായി ഉണ്ടാകുന്ന ക്രമക്കേട് ഇന്ത്യയുടെ വിദ്യാഭ്യാസ മേഖലയെ തകര്‍ച്ചയിലെത്തിച്ചിരിക്കുകയാണ്. നീറ്റ് ക്രമക്കേടുമായി ബന്ധപ്പെട്ട് സുത്യാരമായ അന്വേഷണം നടത്തി കുറ്റക്കാരെ കണ്ടെത്തേണ്ടത് കേന്ദ്രസര്‍ക്കാറിന്റെ ഉത്തരവാദിത്തമാണ്. സര്‍ക്കാറിന്റെ ട്രേഡ്മാര്‍ക്ക് അഹങ്കാരവും ഉത്തരവാദിത്തമില്ലായ്മയും ആണെന്നത് വ്യക്തമാകുന്നു. 
വിദ്യാര്‍ഥികളോട് ഒപ്പം നിന്ന് അവരുടെ ഭാവി സംരക്ഷിക്കേണ്ടത് ധാര്‍മികവും രാഷ്ട്രീയവും ഭരണഘടനാപരവുമായ കടമയാണ്- സോണിയാഗാന്ധി പറഞ്ഞു.

As protests against irregularities in the NEET examination intensify against the Central Government, Sonia Gandhi launched a fierce attack on PM Narendra Modi. She stated that the Modi government treats students like enemies and is adopting an oppressive approach instead of listening to their demands and concerns.