കോഴിക്കോട്: ഹരിത കര്‍മസേന ജീവനക്കാര്‍ പെരുമ്പാമ്പിന്റെ കടിയേല്‍ക്കാതെ രക്ഷപ്പെട്ടത് തലനാരിഴയ്ക്ക്. കോഴിക്കോട് കൊയിലാണ്ടിയിലാണ് സംഭവം. മാലിന്യം ശേഖരിക്കാനായി നഗരസഭ സ്ഥാപിച്ച മെറ്റീരിയല്‍ കലക്ഷന്‍ ഫെസിലിറ്റി സെന്ററിലാണ് വലിയ ചാക്കിനുള്ളില്‍ കെട്ടിവെച്ച നിലയില്‍ പെരുമ്പാമ്പിനെ കണ്ടെത്തിയത്. 

ഇവിടെയുള്ള പാഴ് വസ്തുക്കളും പ്ലാസ്റ്റിക് മാലിന്യങ്ങളും തരം തിരിക്കുകയായിരുന്നു ഹരിതകര്‍മസേനാംഗങ്ങള്‍. ഇതിനിടെ ചാക്കിന്റെ കെട്ടഴിച്ചതോടെ പാമ്പ് പുറത്തേക്ക് ചാടുകയായിരുന്നു. പേടിച്ചരണ്ട ജീവനക്കാര്‍ പെട്ടന്ന് മാറിയതോടെയാണ് കടിയേല്‍ക്കാതെ രക്ഷപ്പെട്ടത്. 

പ്ലാസ്റ്റിക് മാലിന്യങ്ങള്‍ക്കിടയില്‍ പാമ്പുകളെ കാണാറുണ്ടെങ്കിലും, ഇത്തരത്തില്‍ ബോധപൂര്‍വ്വം ചാക്കില്‍ കെട്ടി ഉപേക്ഷിച്ച അനുഭവം ആദ്യമായാണെന്നും ഇവര്‍ പറഞ്ഞു

സംഭവത്തില്‍ കൊയിലാണ്ടി നഗരസഭാ അധികൃതര്‍ അന്വേഷണം ആരംഭിച്ചു. പ്രദേശത്തെ സി.സിടിവി കേന്ദ്രീകരിച്ചാണ് അന്വേഷണം.

Haritha Karma Sena workers in Kozhikode had a narrow escape after discovering a live python tied inside a sack while handling waste. The incident has sparked outrage, with authorities treating it as a case of cruelty to wildlife and reckless endangerment of sanitation workers. The snake was safely rescued, and officials are expected to investigate those responsible for abandoning the animal in such a dangerous manner.