കൂറ്റനാട്: ചെരിപ്പൂര്‍ മഹല്ലിന്റെ കാരണവര്‍ ഇനി ജനമനസുകളില്‍ മാത്രം. കാല്‍ നൂറ്റാണ്ട് ചെരിപ്പൂര്‍ മഹല്ലിന്റെ പ്രസിഡന്റും ദീര്‍ഘ കാലം പഞ്ചായത്ത് മുസ്‌ലിംലീഗ് കമ്മിറ്റി പ്രസിഡന്റ്, മുന്‍ പഞ്ചായത്ത് മെമ്പര്‍, സാമൂഹ്യ രാഷ്ട്രീയ രംഗങ്ങളിലെ ഒഴിച്ചുകൂടാനാവാത്ത  വ്യക്തിത്വം എന്നിങ്ങനെ നീണ്ട പട്ടികയില്‍ നിറഞ്ഞുനിന്നിരുന്ന പുവ്വത്തിങ്കല്‍ ആലിക്കുട്ടി ഹാജി (82) ഇന്നലെ ജുമുഅക്ക് മുമ്പ് മരണപ്പെട്ടുവെന്ന വിവരം നാട്ടുകാര്‍ക്ക് വിശ്വസിക്കാന്‍ തന്നെ പ്രയാസം.
കുടുംബവഴക്കായാലും അതിര്‍ത്തി തര്‍ക്കങ്ങളായാലും ആലിക്കുട്ടി ഹാജി ഇടപെട്ടാല്‍ പ്രശ്‌നം തീരുമെന്നതിനാല്‍ മഹല്ല് കോടതിയായി ആളുകള്‍ ആലിക്കുട്ടിഹാജിയെ പരിഗണിച്ചിരുന്നു.
ഇന്നലെ മഗ്‌രിബ് നിസ്‌കാരത്തിന് മുമ്പ് ചെരിപ്പൂര്‍ മഹല്ല് ഖബര്‍സ്താനില്‍ ഖബറടക്കി. മക്കള്‍: അബ്ദുറഹ്മാന്‍, അബ്ദുറസാക്ക്, മുഹമ്മദ് കുട്ടി, സല്‍മാനുല്‍ ഫാരിസ്, നഫിസക്കുട്ടി. മരുമക്കള്‍: ഇബ്‌റാഹിംകുട്ടി ഹാജി (അല്‍ വസ്സാന്‍ തൃത്താല ) മിസ്രിയ, റജുല, ഖദീജ, ഫസില, വരവൂര്‍ മസ്താന്‍ ഉപ്പാപ്പാന്റെ മകള്‍ ഫാത്വിമയാണ് ഭാര്യ. സഹോദരങ്ങള്‍ കുഞാവ ഹാജി, മൊയ്തിന്‍ ഹാജി, ഫാത്വിമ. മത സാമൂഹിക സാംസ്‌കാരിക രാഷ്ട്രിയ നേതാക്കള്‍ ജനാസ സന്ദര്‍ശിച്ചു.