പെരിയ: പാതക്കരികില്‍ നിര്‍ത്തിയിടുന്ന ടാങ്കര്‍ ലോറികള്‍ ഉള്‍പ്പെടെയുള്ള ലോറികളില്‍ നിന്നു ഡീസല്‍ ചോര്‍ത്തി വില്‍പന നടത്തിയ കേസില്‍ ഒരാള്‍ അറസ്റ്റില്‍. പെരിയ ബസാറില്‍ ടയര്‍ കട നടത്തി വരുന്ന ജോജി ആന്റണിയെയാണ് (38)ബേക്കല്‍ പൊലിസ് അറസ്റ്റ് ചെയ്തത്. പൊലിസ് കടയില്‍ നടത്തിയ പരിശോധനയില്‍ 20 ലിറ്റര്‍ ഡീസലും അളവുപാത്രങ്ങളും പിടിച്ചെടുത്തു. ഡീസല്‍ ഊറ്റുന്നതിനു വേണ്ടി  ചില ടാങ്കര്‍ലോറി ഡ്രൈവര്‍മാര്‍ ജോജിയെ സഹായിക്കുന്നതായും അന്വേഷണത്തില്‍ കണ്ടെത്തിയിട്ടുണ്ട്.