ഡെന്‍മാര്‍ക്ക്: ഉത്തര അറ്റ്‌ലാന്റിക്കിലെ ഫറോ ദ്വീപിന്റെ തീരത്ത് 145 തിമിംഗലങ്ങളെയും ഏഴു ഡോള്‍ഫിനുകളെയും കൊന്നുതള്ളി. ഡെന്‍മാര്‍ക്കില്‍ എല്ലാ വര്‍ഷവും നടത്തുന്ന ഗ്രിന്‍ഡാഡ്രാപ് ഉല്‍സവത്തിന്റെ ഭാഗമായാണ് കടലിലെ തിമിംഗലങ്ങളെ കൊന്നാടുക്കിയത്. ഇതേത്തുടര്‍ന്ന് ചോരയില്‍ ചുവന്നിരിക്കുകയാണ് ഫറോ തീരം.
തിമിംഗലങ്ങളെ പിടികൂടിയ ശേഷം കഴുത്ത് മുറിച്ച് കരയിലേക്ക് തള്ളും. അവയുടെ രക്തം കടലിലേക്ക് തന്നെ ഒഴുക്കും. ഇങ്ങനെ പിടികൂടുന്നവയുടെ മാംസമാണ് ഫറോ ദ്വീപ് നിവാസികളുടെ മുഖ്യഭക്ഷണം. ആഘോഷത്തിന്റെ ഭാഗമായി 800ല്‍ അധികം തിമിംഗലങ്ങളെയാണ് കുരുക്കിട്ട് പിടികൂടി കൊല്ലാറുള്ളത്. തുടര്‍ന്ന് രക്തം കടലിലേക്ക് ഒഴുക്കും.
എല്ലാ വര്‍ഷവും ഡാനിഷ് സര്‍ക്കാരിന്റെ അനുവാദത്തോട് കൂടി തന്നെയാണ് ആഘോഷം നടത്തുന്നത്. ഉത്തര അറ്റ്‌ലാന്റിക്കില്‍ ഏകദേശം 7,78,000 തിമിംഗലങ്ങളുണ്ട്. അവയില്‍ 1,00,000ത്തോളം ഫറോ ദ്വീപിന് ചുറ്റുമാണ്. 1,584 മുതലാണീ ഉല്‍സവം തുടങ്ങിയതത്രേ.