റിയാദ്: സഊദിയിലെ ഹായിലില്‍ മലയാളി ഹൃദായാഘാതം മൂലം മരിച്ചു. പാലക്കാട് പറളി കോട്ടായി സ്വദേശി ജമാലുദ്ധീന്‍ സഖാഫി (40) യാണ് ആശുപത്രിയില്‍ വെച്ച് മരണപ്പെട്ടത്.

കഴിഞ്ഞ ദിവസം വൈകീട്ടാണ് നെഞ്ച് വേദനയെ തുടര്‍ന്ന് ആശുപത്രിയില്‍ പ്രവേശിപ്പിച്ചത്. തുടര്‍ന്ന് രാത്രി എട്ടോടെ മരിക്കുകയായിരുന്നു.

പന്ത്രണ്ടു വര്‍ഷമായി ഇവിടെ ജോലി ചെയുന്ന ഇദ്ദേഹം ഒന്നര വര്‍ഷം മുന്‍പാണ് അവസാനമായി നാട്ടില്‍ പോയി തിരിച്ചു വന്നത്.

ആരിഫയാണ് ഭാര്യ, മക്കള്‍: ജസീറ, ജാബിറ. കിംഗ് ഖാലിദ് ആശുപത്രിയില്‍ സൂക്ഷിച്ചിരിക്കുന്ന മൃതദേഹം ഇവിടെ തന്നെ ഖബറടക്കാനുള്ള ഒരുക്കങ്ങള്‍ നടക്കുകയാണ്.