കൊട്ടിയം: ശിഹാബ് തങ്ങള്‍ ചാരിറ്റബിള്‍ സൊസൈറ്റി പാണക്കാട് സയ്യിദ് സാദിഖലി തങ്ങള്‍ ഉദ്ഘാടനം ചെയ്തു. മുഹമ്മദലി ശിഹാബ് തങ്ങളുടെ പേരില്‍ കേരളത്തിന് അകത്തും പുറത്തും നടന്നുവരുന്ന കാരുണ്യ പ്രവര്‍ത്തനങ്ങള്‍ മാതൃകാപരമാണെന്നും തങ്ങള്‍ പറഞ്ഞു.
സൊസൈറ്റി പ്രസിഡന്റ് അന്‍വര്‍ കൊട്ടിയം അധ്യക്ഷത വഹിച്ചു. ജനറല്‍ സെക്രട്ടറി സുധീര്‍ കിടങ്ങില്‍ ആമുഖ പ്രഭാഷണം നിര്‍വഹിച്ചു. എന്‍.കെ പ്രേമചന്ദ്രന്‍ എം.പി മുഖ്യപ്രഭാഷണം നിര്‍വഹിച്ചു. മുസ്‌ലിം ലീഗ് ജില്ലാ പ്രസിഡന്റ് ഡോ. എ.യൂനുസ്‌കുഞ്ഞ് ചികിത്സാ ധനസഹായ വിതരണം നിര്‍വഹിച്ചു. എസ്.എസ്.എല്‍.സി അവാര്‍ഡ്ദാനം മുസ്‌ലിം ലീഗ് ജില്ലാ ജനറല്‍ സെക്രട്ടറി എം. അന്‍സാറുദീനും പഠനോപകരണ വിതരണം ജില്ലാ സെക്രട്ടറി ഉമയനല്ലൂര്‍ ശിഹാബുദീനും നിര്‍വഹിച്ചു. ഹാഷിം കൊടിമേല്‍ക്കൊടി, ബ്രൈറ്റ് മുഹ്‌സിന്‍, അനസ് കൊട്ടിയം, കൊട്ടിയം കമറുദീന്‍, ഫസില്‍ കിളിത്തട്ടില്‍, എം.ആര്‍ മന്‍സൂര്‍, അന്‍സര്‍ കിളിത്തട്ടില്‍, മുഹമ്മദ് അമീന്‍, സുധീര്‍ പറക്കുളം, ഗസ്‌നി മുഴങ്ങോടി, ഫൈസല്‍ കിളിത്തട്ടില്‍, അനസ് കിളിത്തട്ടില്‍, ഹാരിസ് കൊട്ടറയില്‍, റഹീസ് പറക്കുളം, സുല്‍ഫീക്കര്‍ സംസാരിച്ചു. ട്രഷറര്‍ മുഹമ്മദ് ഷെഫീഖ് നന്ദി പറഞ്ഞു.