വണ്ണപ്പുറം:  വണ്ണപ്പുറം കവിത റീഡിങ് ക്ലബ്  വനിതാവേദിയും തുടര്‍വിദ്യാകേന്ദ്രവും  സംയുക്തമായി സൗജന്യ ചക്കഉല്‍പന്ന വിഭവ  പരിശീലന ക്ലാസ് സംഘടിപ്പിച്ചു.  ലൈബ്രറി ഹാളില്‍ നടന്ന പരിപാടി തൊടുപുഴ താലൂക്ക് ലൈബ്രറി കൗണ്‍സില്‍  സെക്രട്ടറി പി .കെ സുകുമാരന്‍ ഉദ്ഘാടനം ചെയ്തു. വനിതാവേദി ചെയര്‍പേഴ്‌സണ്‍ ഗിരിജ രാജന്‍ അധ്യക്ഷയായി. മാത്യു മൂത്തേടത്ത് ക്ലാസ് നയിച്ചു.  പഞ്ചായത്ത് അംഗങ്ങളായ ലീല തങ്കന്‍, ലൈസമ്മ ശശി, തൊടുപുഴ താലൂക്ക് ലൈബ്രറി  കൗണ്‍സില്‍ വൈസ് പ്രസിഡന്റ് ലിസിയമ്മ മാണി സംസാരിച്ചു. ലൈബ്രറി സെക്രട്ടറി ജേക്കബ് ജോണ്‍ സ്വാഗതവും ഷെറിന നന്ദിയും പറഞ്ഞു.