മുംബൈ: 2019-20 സീസണുകളിലെ ഇന്ത്യയുടെ ഹോം മത്സരങ്ങളുടെ പട്ടിക ബി.സി.സി.ഐ പുറത്തുവിട്ടു. അഞ്ച് ടെസ്റ്റ്, ഒന്‍പത് ഏകദിനം, 12 ടി20 എന്നിവയടങ്ങിയ പട്ടികയാണ് പുറത്തുവിട്ടത്.
സെപ്റ്റംബറില്‍ ദക്ഷിണാഫ്രിക്കയുമായുള്ള ഫ്രീഡം ട്രോഫി ടൂര്‍ണമെന്റോടെയാണ് 2019 ലെ ഇന്ത്യയുടെ ഹോം മത്സരങ്ങള്‍ക്ക് തുടക്കമാവുന്നത്. നവംബറില്‍ ബംഗ്ലാദേശുമായും ഡിസംബറില്‍ വെസ്റ്റ് ഇന്‍ഡീസുമായും ഇന്ത്യ ഏറ്റുമുട്ടും. ജനുവരിയില്‍ സിംബാബ്‌വേ, ആസ്‌ത്രേലിയ, മാര്‍ച്ചില്‍ ദക്ഷിണാഫ്രിക്ക എന്നീ ടീമുകളുമായാണ് ഇന്ത്യയുടെ മറ്റു മത്സരങ്ങള്‍.
ഡിസംബറില്‍ വെസ്റ്റ് ഇന്‍ഡീസുമായുള്ള രണ്ടാം ടി20 മത്സരം തിരുവനന്തപുരത്ത് വച്ചാണ് നടക്കുന്നത്.