കണ്ണൂര്‍: കേരളത്തിലെ മുഴുവന്‍ ജലസ്രോതസുകളും തിരിച്ചുപിടിക്കാന്‍ സര്‍ക്കാര്‍ സമഗ്ര പദ്ധതി തയാറാക്കിവരുന്നതായി മന്ത്രി ഡോ. തോമസ് ഐസക്. ഇതിനായി വിവിധ മേഖലകളില്‍ സമഗ്ര മാസ്റ്റര്‍ പ്ലാന്‍ തയാറാക്കും. കാനാമ്പുഴയെ തിരിച്ച്പിടിച്ച് വിവിധ പദ്ധതികള്‍ സംഘടിപ്പിക്കാന്‍ മാസ്റ്റര്‍ പ്ലാന്‍ ഉണ്ടാക്കിയാല്‍ എത്ര കോടികളും സര്‍ക്കാര്‍ നല്‍കും. പുഴയെ തിരിച്ചു പിടിച്ചാല്‍ കയര്‍ ഭൂവസ്ത്രം വിരിച്ച് ആകര്‍ഷകമാക്കും. നീര്‍ത്തടത്തിന്റെ അടിസ്ഥാനത്തിലാണ് മാസ്റ്റര്‍ പ്ലാന്‍ തയാറാക്കേണ്ടതെന്നും ഐസക്ക് പറഞ്ഞു. നാല് വര്‍ഷം കൊണ്ട് കേരളത്തിലെ എല്ലാ ജലസ്രോതസുകളും ശുചീകരിക്കുമെന്ന് ഡോ. ടി.എന്‍ സീമ പറഞ്ഞു.