ശ്രീകാര്യം: റോഡു വികസനുമായി ബന്ധപ്പെട്ട് ശ്രീകാര്യത്ത് നടപ്പിലാക്കാന്‍ പോകുന്ന നിര്‍ദ്ദിഷ്ട ലൈറ്റ് മെട്രോ, മേല്‍പ്പാലം, റോഡു വികസനം എന്നിവ വരുമ്പോള്‍ കാലകാലങ്ങളായി ശ്രീകാര്യം ജംഗ്ഷനുസമീപത്തായി താമസിക്കുന്ന നൂറു കണക്കിന് ആള്‍ക്കാരും മുന്നൂറോളം വ്യാപാരികളും വ്യാപാരസ്ഥാപനങ്ങളും പൂര്‍ണ്ണമായും സ്ഥലത്ത് നിന്ന് കുടിഒഴിപ്പിക്കേണ്ടി വരുന്നതില്‍ സ്ഥലത്തെ നാട്ടുകാരും വ്യാപാരികളും ആശങ്കയിലാണ്.
    ജംഗഷന്‍ വികസനം വരുമ്പോള്‍ ജംഗ്ഷനില്‍ മാത്രം ഇരുനൂറിലധികം കച്ചവടക്കാര്‍ക്ക് ഒഴിഞ്ഞുപോകേണ്ടിവരും. ഇവരെ പുനരധിവസിപ്പിക്കാനും മതിയായ നഷ്ടപരിഹാരവും നല്‍കണമെന്നും ആക്ഷന്‍ കൗണ്‍സില്‍ പത്രസമ്മേളനത്തില്‍ സര്‍ക്കാരിനോട് ആവശ്യപ്പെട്ടു.
    ആക്ഷന്‍ കൗണ്‍സില്‍ കണ്‍വീനര്‍ സ്റ്റാന്‍ലി ഡിക്രൂസ്, രക്ഷാധികാരികളായ അനില്‍കുമാര്‍, ആര്‍.എസ്.രാജീവ് കൗണ്‍സിലര്‍മാരായ ശാലിനി, ഷീല കെ.എസ്.,ലതാകുമാരി, ആക്ഷന്‍ കൗണ്‍സില്‍ ചെയര്‍മാന്‍ ശിവാനന്ദന്‍  പത്രസമ്മേളനത്തില്‍ പങ്കെടുത്തു.