ഗുരുവായൂര്‍ (തൃശൂര്‍): നിപാ ഭീതിയിലുള്ള കേരളത്തിന് എല്ലാവിധ സഹായവും നല്‍കുമെന്ന് പ്രധാനമന്ത്രി നരേന്ദ്ര മോദി.
ഗുരുവായൂര്‍ ക്ഷേത്രദര്‍ശനത്തിനുശേഷം ബി.ജെ.പി സംസ്ഥാന കമ്മിറ്റി സംഘടിപ്പിച്ച അഭിനന്ദന്‍ സഭയില്‍ സംസാരിക്കുകയായിരുന്നു അദ്ദേഹം. ജയിച്ചാലും തോറ്റാലും കേരളത്തിലെ ബി.ജെ.പിയുടെ ഊര്‍ജം ഇല്ലാതാകില്ല. ജയമൊന്നും കിട്ടാത്തിടത്ത് എന്തിന് മോദി നന്ദി പറയുന്നുവെന്ന് കരുതുന്നവര്‍ ഉണ്ടാകും.
തെരഞ്ഞെടുപ്പ് മാത്രമല്ല ബി.ജെ.പിയുടെ ലക്ഷ്യം. എല്ലാവരെയും ഒരുപോലെ പരിഗണിക്കുന്ന സമീപനവും ശൈലിയുമാണ് ബി.ജെ.പിയുടേത്. വാരണാസി പോലെ തന്നെയാണ് തനിക്ക് കേരളം. ഇക്കാര്യത്തില്‍ ആശങ്കപ്പെടേണ്ട സാഹചര്യമില്ലെന്നും അദ്ദേഹം കൂട്ടിച്ചേര്‍ത്തു.