പെരുമണ്ണ: ഒളവണ്ണ പഞ്ചായത്തില്‍ ഡിഫ്തീരിയക്കെതിരേ റെഡ് അലര്‍ട്ട് പ്രഖ്യാപിച്ചു. ജനങ്ങളെ ജാഗരൂകരാക്കാനും ആശങ്ക പരിഹരിക്കുന്നതിനുമായി വിപുലമായ പരിപാടികള്‍ തുടങ്ങി. ബോധവല്‍ക്കരണ ക്ലാസ് പഞ്ചയത്ത് പ്രസിഡന്റ് കെ.തങ്കമണി ഉദ്ഘാടനം ചെയ്തു. മെഡിക്കല്‍ ഓഫിസര്‍ ഡോ.പത്മകുമാര്‍ ക്ലാസെടുത്തു.ഡിഫ്തീരിയ വാക്‌സിനേഷന്‍ ക്യാംപ് സബ്‌സെന്ററുകള്‍ കേന്ദ്രീകരിച്ചു സൗജന്യമായി വിതരണം ചെയ്യാന്‍ തീരുമാനിച്ചു. വൈസ് പ്രസിഡന്റ് മനോജ് പാലത്തൊടി,ടി.പി സുമ,കെ.കെ ജയപ്രകാശ്,ഇ.രമണി,വേണുഗോപാല്‍,കെ.ബൈജു.ചോലക്കല്‍ രാജേന്ദ്രന്‍ സംസാരിച്ചു.